Igande honetan inauguratuko dute Emakumearen Oroimen Baratzea Arantzan

  • Emakumeen historia idazteko garaia dela iritzita, isilaraziak izan diren emakumeen ahotsei eskaini nahi diete baratzea. Azken asteotan iganderako dena prest egon dadin, lagun talde bat egunero biltzen da Arantzan. Goizez aritzen dira lanean, 08:00etatik 14:00etara. Norbaitek auzolanean parte hartu nahi badu, 678 115820 telefonora deitu beharko du.

Erran .eus @erran_eus
2018ko uztailaren 11
Baratzeari mandalaren itxura ematen ari dira (Argazkia: Erran.eus)

«Gizonezkoarekin dena bete, eta gurea, ordea?. Emakumeena ez bada ageri, ez da kontatzen egia». Halaxe dio Harritik Hazia antzezlaneko kanta batek. Hori irauli nahi izan zuten antzerkian eta helbura bera du Emakumearen Oroimen Baratzeak, hau da, isilik eta gordean izan diren emakumeen historiak idaztea.

Harritik Hazia antzerkiaren emanaldien ondotik, haziak banatu zizkieten ikusleei eta hazi horiek emandako landareak igandean inauguratuko duten baratzean bildu nahi dituzte. Hala ere, norbaitek antzerkian emandako hazia ahaztu edo galdu baldin badu, bertze landare bat eramaten ahalko duela jakinarazi dute. Baina landareekin batera, eskualdeko emakumeen historiak eramateko deia egin dute, «iraganekoak edota gaur egungoak, norberarenak edo lagun edo ezagun batenak». Izan ere, sustatzaileen arabera, «eskualdeko emakumezkoen historia ez dago idatzita» eta alde horretatik «hutsune handia dago». Horregatik, «baratze hau idazten hasteko aukera dela» uste dute. Idatziak igandean berean eraman daitezke Arantzara, edo bertzela, lehenagotik ere bidal daitezke: emakumearenoroimenbaratzea@gmail.com helbidera idatzita edo 680 984124 telefonora idatzita.

Inaugurazio eguna

Igandean, Arantzako plazan egin dute hitzordua, 13:00etan. Besta giroan zabaldu nahi dituzte baratzearen ateak, bertzeak bertze, musika eta dantzaren bitartez. Plazatik baratzera «ibilaldi artistikoa» eginen dute eta behein baratzera ailegatutakoan, «hurbildu direnekin leku horren sinbologia eta magia partekatuko ditugu». Horretarako, ahotsa, dantza, musika, antzerkia eta plastika uztartuko dituzte. Eta akabailan, ekarritako landareak eta historiak bilduko dituzte.

Bertzalde, aipatu, baratzea Arantzan dagoen arren, Bortzirietako baratzea izanen dela. Hortaz, Bortzirietako Udalen eta Nafarroako Gobernuaren inplikazioa eskatu dute.

Albiste hau Erran.eus-ek argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Arantza

Feminismoa kanaletik interesatuko zaizu...
2019-01-15 | ARGIA
Etxeko langileek lan istripuak aitortzea aldarrikatuko dute Bilboko elkarretaratzean

Bilbon, Osakidetzako eraikinaren parean, Errekalde zumarkalea 39an, egingo dute kontzentrazioa. Urtarrilaren 21ean, 10:30ean.


"Elkartasun internazionalista eta feminista Andaluziar Herriarekin"

Euskal Herriko Emakumeon Mundu Martxatik gure elkartasun osoa adierazi nahi diogu Andaluziar herriari eta bereziki bertan borrokan dabiltzan emakume feminista guztiei.


2019-01-13 | Amaia Lekunberri
Kathrine Switzer
"Askoz harroago nago 50 urteren ostean korrika egiten jarraitzeaz, lehenengo maratoi hartaz baino"

1967ko apirilaren 19an Bostongo maratoian korrika egin zuen Kathrine Switzerrek (1947), ofizialki maratoi batean parte hartu zuen lehen emakumea bilakatuz. Lasterketako arautegian eta izen-emate orrian generoari buruzko zehaztapenik egiten ez zenez, “K.V. Switzer” bezala eman zuen izena. Genero markarik gabeko izen laburdura horrekin, bakarrik gizonezkoen parte-hartzea ahalbidetzen zuen idatzi gabeko araua urratu eta maratoian korrika egiteko onartua izatea lortu zuen. Ordutik... [+]


2019-01-13 | Estitxu Eizagirre
Nekane Txapartegi Nieve
"Etsitzen ez dut ikasi"

Gozo bezain gordin mintzo da bizitzaz. Zorrotza du begirada eta beltza umorea. Suitzan, “arazorik gabeko” estatu normalizatu kapitalistan ere, kartzelak beteta daudela oroitarazten digu. Kartzela barrutik presoen eskubideen alde egin zuen indar, eta kaletik Free Nekane kanpaina sortuz erantzun zioten. Gaur, Suitzan, Nekane Txapartegi kartzelaren eta torturaren aurkako borrokaren, feminismoaren eta preso politikoen ikur da. Eta misio hau darama motxilan, 1999an torturatu zutenetik:... [+]


2019-01-13 | June Fernández
Sareak eta deskolokeak

Asteak eman ditut ARGIAren mendeurrena dela eta zer idatzi pentsatzen. Egundoko erronka iruditzen zait, nahiz eta Mikel Asurmendik –kolaboratzen daramatzadan bost urte hauetan nire editore estimatua– beti egiten dudana egin dezadala aholkatu izan. Bitartean, nire urtebetetzea ospatu dut eta puntua egiteko kit bat oparitu dit bikotekideak. Bi jostorratz luze eta gorri, artilezko hiru haril koloretsu, eta gida azkar bat.

Txikia nintzenean amama Otiliak trikotatzen irakatsi zidan... [+]


2019-01-11 | ARGIA
Plaza Hutsa tailerra
"Ezkerreko independentismoak herrigintzan egin dezakeen ekarpenaz" tailerra larunbatean Durangon

"Ezkerreko independentismoak herrigintzan egin dezakeen ekarpenaz jarduteko plaza irekia". Horrela definitu dute Plaza Hutsa izeneko tailerra. Urtarrilaren 12an egingo dute Durangoko Landakon, goizean 10:00etan hasita. Ezkerreko independentistei zuzenduta dago. Izena eman behar da parte hartzeko.


Elkarretaratze jendetsua egin dute Egiako eraso sexista salatzeko

Azken eraso sexista salatzeko elkarretaratzea egin dute Egian, eta herritar askok parte hartu dute. Egia Bizirik eta Egiako Neska* Gazteak taldeek deitu dute protesta Erasorik ez erantzunik gabe! lelopean. Egia kaleko 13. zenbakian elkartu dira. Donostiako Asanblada Feministak ere bat egin du mobilizazioarekin.


Titiburuak

Biluzteaz hitz egin zigun Udane Barinagarrementeria Lakak, Klitton. Geure zauriak erakusteaz, ahula izateko eskubideaz. Eta ederki jantzi zuen biluztasuna Uxue Bereziartua Lonbide ilustratzaileak, gorpuz biluziari itzalak marraztuz. Markak airean, zauriak bistan, titipuntak aurrera begira.


Aitziber Bañuelos Ganuza: "Gero eta onartuagoa daukagu emakumeen kontrako biolentzia"

Indarkeria matxista eta haurren kontrako sexu indarkeriaren inguruko proiektuak koordinatzen ditu Aitziber Bañuelosek. Eraikiz kolektiboko kidea da eta elkarrizketa sakona oparitu digu bere ikuspegi kritiko eta eraikitzailearekin.


Uxue Bereziartua ilustratzailearen marrazkia zentsuratu du Instagramek, titiburuak agerian zirelako

Klitto agerkari digitalean egin zuen ilustrazioa Uxue Bereziartuak, eta zentsuraren berri izan eta gero, Malen Aldalur kazetariak Klitton bertan gertakizunaren harira iritzi artikulua idatzi du. Ondoko lerroetan duzue iritzi artikulua.

 

 


Azkenak
EGILEA
Eguneraketa berriak daude