Lazkaoko Santa Ana komentuko horma batean zegoen 36ko altxamendu faxista goresten zuen inskripzioa. Memoria Historikoaren Legearen aurkakoa zelako kendu dute.
1936ko altxamendu faxista goresten zuen inskripzio bat kendu zuten, lehengo astean, Lazkaon. Zistertar mojen Santa Ana komentuko horma batean zegoen, kale aldera, Infantaduko dukearen jauregiaren parean. Duela 8-9 egun askatu eta kendu zuten plaka. Hutsunea dago orain armarriaren azpialdean.
Oroimen Historikoaren Legearen aurkakoa zen plaka. 1936ko gerra «gurutzada santua» izan zela zioen idatziak, eta frankisten aldean hildako militarren gorazarre zen. Plakan bertan zioenez, 1940an kokatu zuen Joaquin Arteaga Etxague dukeak, Antonio Okendo almirantearen heriotzaren 3. mendeurrenean. Maria Lazkaokoaren senarra zen Okendo, eta biak monasterioan daude hilobiratuta.
Bukaeran, ordea, 1936ko gerran hil ziren dukearen seme Jaime eta Francisco de Borja militar ofizialak «jainkoaren eta Espainiaren aldeko gurutzada santuan» hil zirela zioen.
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]