Honelakoa da azaroko konfinamendua Ipar Euskal Herrian eta Frantziako Estatuan
Emmanuel Macron presidenteak Frantziako herritarren konfinamendua ezarri ostean, Jean Castex lehen ministroak zehaztu ditu azaro osoan indarrean egongo diren neurriak. Horiei erreparatuz gero, ezin esan Hexagonoko herritarrentzat –tartean Lapurdi, Nafarroa Beherea eta Zuberoakoak– martxoko itxialdia baino gozoagoa izango denik. Lantokiak, eskolak eta parkeak zabalik egongo dira, baina herritarrek martxoan nozitu zituzten baldintza zorrotzetan egon beharko dute etxean, kanpora irteteko ordubete motzeko mugarekin eta edozein mugimendu egiteko agiria soinean eramateko obligazioz.
Egunean ordubete: gehienez ere 60 minutuz egon daiteke herritarra bere etxetik kanpo. Ariketa fisikoa egiteko, paseatzeko... baina beti ere kilometro bateko inguruan. Gainerako denbora etxean eman beharko du ondorengo hilabeteetan, soilik irten ahal izango dela salbuespentzat jotzen diren kasuetan eta beti ere mugimenduaren legezkotasuna erakusten duen agiria soinean eramanez.
Frantziako Estatuko konfinamenduaren beste ezaugarri nagusiak hauek dira, Castex lehen ministroak azaldutakoaren arabera:
- Herritarrak, eguneroko ordu beteko tarte horretaz landa, lanerako joan-etorrietarako enpresak emandako agiri bat beharko du eta gauza bera haurren bat eskolara eraman behar duenerako, kasu honetan eskolako arduradunek emandako agiria. Berdin medikutara joan behar baldin badu. Agirion formularioak Internetez eskura daitezke eta horretarako Parisko gobernuak zabaldu duen APP batetik ere bai.
- Gainerako edozein bidai debekatuta dago hilabeterako Frantziako estatuaren lurralde osoan, tartean bigarren etxebizitza baterako joan-etorriak.
- Itxita daude: ostatuak, jatetxeak, premiazkoenak ez diren saltokiak, kiroldegiak, hitzaldi aretoak, antzokiak, zineak, erakusketak, feriak...
- Jatetxeek baimena dute Internet bidez egindako eskariak saltzeko, eta baita herritarrek ere erosketa horien bila joateko.
- Oinarrizko produktuen saltokiak zabalik daude baina zerrenda horretan sartzen ez direnak (liburudendak, ileapaindegiak, jantzidendak...) itxita. Hauetatik salmenta Internetez egin dezaketenek (ez ileapaindegiek, prefosta) libre dute beren zerbitzuak eskaintzea.
- Erlijio ezberdinen elizak irekita daude, baina ez dute inolako ospakizunik egin, ez bada ezkontzak (gehienez 6 pertsona elkartuz) eta hiletak (gehienez 30 pertsona). Salbuespentzat, asteburu honetan Omiasainduz baimenduta dago bai hilerrietara joatea eta bai loreen salerosketa.
- Irakaskuntza sisteman, goi mailako ikasketak Internet bidez egingo dira, zenbait kasu oso zehatzetan ikastetxera joatea baimenduz (presentzia fisikoa eskatzen duten lanbide heziketako adarretan, esaterako). Unibertsitateetan liburutegiak zabalik daude baina hitzorduz funtzionatuz; azterketa eta lehiaketak egin daitezke lekuan bertan baina protokoloak zorroztuta eta bertako jatetxeek soilik zerbitzatuko dituzte eramateko otorduak.
- Martxoan ez bezala, zerbitzu publikoek ateak zabalik izango dituzte.
Horiek denak, hala ere, zertan mamitzen diren ondoko egunetan ikusiko da. Ostiral goizean, esaterako, hedabideetan irakur daitekeenez bada nahikoa nahasmendu saltokien itxieraren inguruan.
- Gainerako eskoletan haur eta gaztetxoak ikastetxean biltzen dira, baina harremanen kontrola asko zorroztuta: musukoak derrigorrezkoak, sarrera-irteeren antolakizuna, jolastoki eta abarretan multzoen artean nahastu ezina...
- Lantokietan, esan du Castexek, Internetez lana egin dezaketen soldatapeko eta autonomoen kasuan "telenana ez da aukera bat, obligazio bat baizik". Gainerako kasuetan, enpresak derrigortuta daude beren jarduera moldatzera langileek etxetik lan egitea erraztu eta horien lantokirainoko bidaiak murruzteko. Telenanik posible ez den ofiziotan, enpresako arduradunaren agiriarekin ibili beharko dute hara eta hona. Bilkurei dagokienez, audio edo bideozko urruneko bilerak dira arau eta enpresa barruan elkarrekin egoteko tarteak debekatuta daude.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.