Nafarroako Justizia Auzitegi Nagusiak berretsi egin du Probintzia Auzitegiko Bigarren Atalak emandako epaia; izan ere, iazko azaroan 3 urte eta 3 hilabeteko kartzela-zigorra eta 5.670 euroko isuna ezarri zien, intimitatearen aurkako delitu baten egile gisa, bi akusatuei. 2016ko talde-bortxaketaren zazpi bideo grabatu zituzten eta bi argazki egin zituzten. Auzitegi Gorenean errekurritu daiteke epaia.
2019ko uztailean, Auzitegi Gorenak 15 urteko kartzela-zigorra ezarri zien bost akusatuei, bortxaketa delitu jarraitua egotzita. Horietako bati, beste bi urte gehiago ezarri zizkion larderiaz egindako lapurreta delitu batengatik. Orduan, Auzitegi Gorenak baliogabetu egin zuen Auzitegi Nagusiko Arlo Zibil eta Penaleko Salak 2018ko abenduan emandako epaia, Auzitegi Nazionaleko Bigarren Atalak urte horretako apirilean bost auzipetuei 9 urteko kartzela-zigorra ezarri ziela berretsi zuena, prebalentziaz egindako sexu-abusu delitu jarraitu batengatik, Nafarroako Justizia Auzitegi Nagusiak jakitera eman duenez.
Epai hartan, intimitatearen aurkako delituari dagokionez, Nafarroako Auzitegi Nagusiko Arlo Zibil eta Penaleko Salak neurri batean baietsi zituen bi akusazioren errekurtsoak, eta Auzitegiko Bigarren Atalari agindu zion delitu horri buruzko epai berri bat ematea, apelatutako epaian argudiatutako oztopo prozesalak ez hautemateagatik, erruztatuak absolbitzea eragin zutenak.
Auzitegi Gorenaren epai irmoaren ostean, eta Nafarroako Justizia Auzitegi Nagusiak agindutakoa betez, Bigarren Atalak gaia berrikusi zuen eta orain Auzitegi Nagusiak berretsi dituen zigorrak ezarri zituen.
Arlo Zibil eta Penaleko Salak fiskaltzaren eta bi akusazioren helegiteak errefusatu ditu; absolbitu zituzten hiru auzipetuen kondena eskatu zuten; defentsak, berriz, bosten absoluzioaren alde egin zuen.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.