Hiru urteko alokairu kontratuak itzuliko dira Hego Euskal Herrira, Kongresuak Espainiako Gobernuaren dekretua atzera botata

  • Araudi berria hilabete eskas egon da indarrean. Orain, 2013ko Hiriko Alokairuen Legea aplikatuko da ostera, hiru urteko kontratuak egitea ahalbidetzen duena dekretuak ezartzen zuen bost urtekoen ordez.


2019ko urtarrilaren 23an - 10:49

Espainiako Kongresuak atzera bota du Pedro Sanchezen gobernuak proposaturiko etxebizitza dekretua. Alokairuen kontratuen epea hiru urtetik bost edo zazpi urtera luzatzea ahalbidetzen duen arren, prezioen igoerak ez ditu mugatzen.

PP, Ciudadanos, Elkarrekin Podemos, ERC eta EH Bilduren kontrako 241 botorekin ezerezean geratu da Espainiako Kongresuan.

Marian Beitialarrangoitia EH Bilduren Kongresuko bozeramaileak adierazi duenez, “ez diogu babesik emango proposamen honi, ez baititu mugatzen gehiegizko prezioak eta ez ditu geldiaraziko geroz eta gehiagotan ematen diren etxegabetzeak alokairua ez ordaintzeagatik. Espainiako Gobernuak ez du alokairuaren merkatuan eragin nahi”.

Irene Montero Unidos Podemoseko diputatuaren iritziz, “prezioen igoerak murriztu ezean kontratuak luzatzeak ez du zentzurik”. Hala ere, negoziatzen jarraitzeko ateak zabalik utzi ditu.

Jose Luis Abalos Espainiako Gobernuko Sustapen ministroak oharatarazi du, "horrelako aukerak aurkeztu egiten dira eta ondoren, aprobetxatzen dira edo ez”.

Abenduaren 19tik orain arte sinatu diren alokairu kontratu berriek bost eta zazpi urteko luzapena izaten jarraituko dute.


Kanal honetatik interesatuko zaizu: Etxebizitza eskubidea
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


Etxebizitza bazterkeriak gora egin du Nafarroan

Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.


Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Sei urteko espetxe zigorra eskatu dute bizkaitar baten aurka, etxegabetze bat gelditzen saiatzeagatik Bartzelonan

Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]


Eguneraketa berriak daude