Hezkuntzako ratioak jaisteko eskaera Nafarroako Legebiltzarrera eramango dute gurasoen plataformek
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Nafarroako Legebiltzarreko Eskaeren Batzordeak talde parlamentario guztiei eskatuko diete Sortzen eta Ratioak Jaitsi 0-18 gurasoen plataformak lan-mahai batera gonbida ditzan haien aldarrikapenak azaltzeko. Europar Batasunak foru Gobernuari gomendatu dion ratioen murrizketa nabarmena aintzat hartzea eskatuko dute, lege berri bat abian jartzeko asmoz.
Arazoa “larria” dela diote gurasoek. Esate baterako, Lehen Hezkuntzan irakasle bakoitzeko gehienez 20 ikasle izatea aholkatzen du Europako Batzordearen Haurren Arretarako Sareak, baina Nafarroan ziklo honetan 25 ikasleko gelak topatzea ohikoa da. Pasa den urriaren 29ko irakasle greba eta gero, Hezkuntza Departamentuak 23 ikasleko sabaia proposatu du. Horrela “nola gauzatuko dute beren lana irakasleek?”, galdetzen du Ratioak Jaitsi Plataformak Nafarroako Arartekoari bidali zion idatzi batean.
0-3 urte bitarteko hezkuntzan ratioaren arazoari beste bat gehitzen zaio: ziklo hau ez da unibertsala eta itxaron zerrenda dago. Gainera, kasu honetan ere lan-baldintzen eta, hortaz, arreta baldintzen ezegonkortasuna salatzen dute, haien iritziz ezinezkoa baita jakitea “eskola nork kudeatuko duen, Nafarroako Gobernuak, udalak edo haiek azpikontratatutako enpresaren batek”.
Horregatik guztiarengatik, zuzenean parlamentariei interlokuzioa egiteko aukera eskaintzen duen Legegintzako Herri Ekimenaren tresna erabili dute euskal eskola publikoko gurasoen Sortzen elkarteak eta Ratioak Jaitsi 0-18 plataformak. Honen bidez, haien eskakizuna derrigorrez mahaigaineratu behar izan dute legebiltzarrean, alderdi jakin batek proposatu beharrik gabe.
Sorpresarik ez balego eta alderdiek gaur eman duten hitza mantenduko balute, gurasoek ez lukete arazorik izango haien aldarriak Hezkuntza Batzorde batean aurrez-aurre azaldu ahal izateko. “Egokia ikusten dugu herritarrek zuzenean horrelako eskakizuna egitea parlamentuari eta interesgarria iruditzen zaigu sindikatu eta adituez gain gurasoak ere entzun ahal izatea”, nabarmendu du EH Bilduko Eneka Maizek. PSN, Geroa Bai, PP, Contigo-Zurekin eta Vox ere harekin ados agertu dira Eskaeren Batzordean. UPN ez da bertan izan. Orain talde parlamentariei dagokie Hezkuntza Batzorderako gurasoen plataformak deitzea agerraldia egin dezaten.
Ratioen foru legea helburu
Sortzenetik eta Ratioak Jaitsitik ez dute Carlos Gimeno Hezkuntza kontseilaria bezalako politikarien borondate politikoaren menpe egon nahi. Izan ere, 2010. urtetik %20ko galera izan duten irakasleen soldatak igotzea, eskola orduak astean ordubete murriztea eta ziklo guztietan ikasle ratioa jaistea “milioi askoko gastu onartezina” dela esan zuen Gimenok SER irratian 2024ko urtarrilaren 22an; horrekin gurasoen plataformak sutan jarri zituen.
“Ratioen inguruko foru lege bat exijituko dugu, Nafarroako Gobernua edozein dela ere arauak errespeta ditzan”, azaldu du Laura Pérez Ratioak Jaitsi gurasoen plataformako kideak. “Etengabe ikusten ditugu politikariak sindikatuekin negoziatzen, baina guk behin-betiko bermea nahi dugu”, azpimarratu du.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]