Hernaniko natur eremuen sarea osatu dute ikasleek eurek
Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu bana proposatu du eta sarea osatu dute orain.
Hernani Natura Herria proiektu komunitarioa ikasturte hasieran abiatu zuten eta asteazken honetan egin dute itxiera ekitaldia. Lehen Hezkuntzako eskola guztiek hartu dute parte eta 3. eta 4. mailako ikasleak aritu dira buru-belarri (8-10 urte inguruko ikasleak). Bi xedek gidatu dute proiektua: Hernaniko Udalak plan bat du martxan, klima larrialdiari aurre egin asmoz herri jasangarriagoa edo erresilienteagoa lortzeko, eta plan horren barruan natur eremuak identifikatzea izan du helburu proiektuak, gero horiek kontserbatu eta krisi klimatikoaren aurrean aintzat hartzeko. Bestetik, Berritzegunearen helburua izan da natur gune publiko horiek ezagutzea eta aztertzea, gero herriko ikastetxe guztiek didaktikoki erabili ditzaten.
“Ikasleak eurak izan dira prozesua aurrera eraman dutenak, horren bidez ikasketa bat izan dute; eta gainera, komunitateari zerbitzu egin diote”, nabarmendu dio ARGIAri Iñaki Sanz-Azkue Berritzeguneko kide eta proiektuaren koordinatzaileak. Berak kontatu dizkigu prozesuaren nondik norakoak.
Lehenik, irakasleek prozesua diseinatu dute, Sanz-Azkueren laguntzaz, eta ikastetxe bakoitzak bere inguruko natur eremuak identifikatu ditu (batzuek mapa batean kokatu dituzte eremuak, beste batzuek zerrendak egin dituzte…). Hernaniko Udalak emandako plano baten bidez, gune horiek publikoak ala pribatuak diren eta herri-antolamendua zein den ikusi dute.
"Eremu bakoitzak ekosistema ezberdin bati erantzutea bilatu da, horrela landu dezakezulako basoa, ibaia, horma zahar bat, belardi bat…"
Ondoren, ikasleek ikastetxe inguruko hiru eremu natural aukeratu dituzte, hainbat irizpide kontuan hartuta; hala nola gertutasuna, irisgarritasuna, biodibertsitatea edota hezkuntza aldetik duen potentzialtasuna. “Eremu bakoitzak ekosistema ezberdin bati erantzutea ere bilatu da, horrek joko handiagoa ematen baitu didaktikoki, landu dezakezulako basoa, ibaia, horma zahar bat, belardi bat…”. Behin eremuak aukeratuta, horien habitata deskribatu dute (batzuek marrazkiz, beste batzuek argazki bidez), zientziaren didaktika aplikatuz eta metodologia ezberdinak erabiliz.
Bost ikastetxe, bost proposamen
Asteazken honetan, udaletxean antolaturiko itxiera ekitaldian, ikastetxe bakoitzak proposatuko du aukeratu dituen hiru natura gune horietatik zein den egokiena. Hala, guztira proposatuko diren bost eremuen artean sarea sortuko da, natur guneak Hernaniko ikastetxe guztiek erabili ditzaten. Ikasleekin biodibertsitatea nola jorratu azaltzeko, EHUko irakasle batek formatuko ditu martxoan proiektuaren koordinatzaileak, eta material didaktiko bat sortzea da asmoa, herriko eskola guztientzat.
“Etorkizunera begira, lanketarekin jarraitzea interesgarria litzateke: batetik, ikustea ea nola hobetu eremu berde horiek klima larrialdiari aurre egiteko, eta bestetik, aztertzea zer egin beharko litzatekeen guneak didaktikoki interesgarriagoak bihurtzeko”, amaitu du Iñaki Sanz-Azkuek.
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
Aurrerantzean, Gipuzkoako klub batean jokatu nahi duen 8-12 urteko umeak ez du derrigorrez Eskola Kirolean parte hartu beharrik izango, EAEko Auzitegi Nagusiak hala ebatzita. Multikirol ereduaren kontrako errekurtsoa jarri duen familiaren hitzetan, ez da bidezkoa erakundeek... [+]
Palestinan gertatzen ari denarekiko haurrak ekidistantzian heztea ezinezko bihurtu da ikastetxe (eta etxe) gero eta gehiagotan. Adinaren arabera zer eta nola kontatu konplexua izan badaiteke ere, giza eskubideak, heriotza, injustizia… mintzagai dira ikasgela gero eta... [+]
IAk egin du deialdia, eta aurreratu du, Askatasunaren Ontzidiari erasotzen badiote, egunez aldatuko duela greba. "Estatu sionistarekin konplizeak diren instituzio zein enpresak irmoki seinalatzeko" baliatuko dute eguna.
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]