Hezkuntzan eremuka lan egitea fokupean jarri du Kataluniako Auzitegi Nagusiaren ebazpenak
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
Generalitateko Hezkuntza Sailaren dekretuko hainbat atal bertan behera utzi ditu ebazpenak, hala nola Matematikako aukera bakarra izatea (berriz ere bi aukerara pasako da, bata oinarrizkoagoa, bestea zailagoa); hautazko ikasgaiei eragiten dien atala; eta DBH4n eremuka aritzea. Espainiako Hezkuntza Legea hartu du oinarri ebazpenak, eta hala dio: “4. maila ikasgai arruntez eta hautazkoez osatuta dago, eta ikasgaiak eremuka batzea hautazko ikasgaietan aurreikusten da”. Joan den otsailean, Batxilergoan eremuka lan egitea bertan behera utzi zuen auzitegi berak.
Aspepc sindikatuak eraman zuen gaia epaitegietara, “metodologia honek irakaskuntza espezialitatearen printzipioa urratzen” duela iritzita. Ebazpenak “eremukako irakasle izan nahi ez duen” irakasle espezialistaren rola indartzen duela adierazi dute sindikatutik.
Ikasgaika ala eremuka?
Eremukako proiektuak epaitegietara eraman dituztenak irakasleak eurak izateak zer pentsatua ematen du, metodologia honekin guztiak ados ez dauden seinale. Proiektu beraren bueltan, materia eta eduki ezberdinak lantzea da metodologiaren funtsa, ikasgai bakoitza bere aldetik jorratu ordez nolabait batuta edo elkar-eraginez ikastea, diziplinartekotasuna oinarri.
Teoriatik praktikarako jauzia izan daiteke bat baino gehiago atzera botatzen duen arrazoietako bat, beti ez baita erraza suertatzen proiektu jakin baten bueltan materia bakoitzak eskatzen dituen kontzeptu, arlo eta edukiak lantzea. Proiektuarekin asmatu, irakasleen artean sinergiak bilatu eta ikasgelako martxan integratuta egoki aplikatzea lortzen duten hezitzaile ugariri, halere, eremukako proiektuez ongi hitz egiten entzun diegu behin baino gehiagotan.
Beti ez da erraza suertatzen proiektu jakin baten bueltan materia bakoitzak eskatzen dituen kontzeptu, arlo eta edukiak lantzea
Eremuka lan egiteaz aipatzen diren alde onen artean: ikasketa globalagoa eta transbertsalagoa da, praktikoagoa eta motibagarriagoa, diziplinartekotasunean oinarritutako proiektu erakargarrien bidez; erronkak planteatzen dizkie ikasleei; barneratutako kontzeptuak errazago ikasi eta aplikatzea dakar; ko-irakaskuntzarako aukera handiagoa ematen du.
Kontrara, ahots kritikoenen arabera jakintza/eduki gutxiago lantzen da; pentsamendu kritikoa eta erronkak lantzen jarri aurretik jakintza zehatzak ikasgaika ongi antolatuta eta hierarkizatuta barneratzea inportantea da; laguntza handiena behar duten ikasleen kalterako da (proiektuen testuinguru irekiengatik); zientzia eta matematiketako errendimendua kaltetzen du; sarri edukiak azaletik lantzea eta jakintza gutxiestea dakar; are, nahasgarriago izan daiteke edukiak benetan barneratzeko garaian; irakasleek ez dute zertan prestatuta egon beren materia ez dena irakasteko; eta eredua inplementatzeko arazoak ere aipatu dituzte, tartean Tere Maldonado HezkuntzArtea Irakasleen Elkarguneko kideak, ARGIAn: “Eremuka lan egitea ez da ari bermatzen diziplinartekotasuna, ikusten ari garenez”.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]