Espainiak ez ditu frankistak estraditatuko


2014ko azaroaren 13an - 00:00
Azken eguneraketa: 2015-02-26 13:37:33
Martin Villa, eskuinetik hasita hirugarrena, frankismoko beste agintari batzuekin batera. (Argazkia: www.rebelion.org)

Rafael Catala Espainiako Justizia ministroak aurreratu du, eskariari muzin egingo diola Espainiak, 1977ko Amnistia Legean oinarrituta ustezko delituak "iraungita" daudelako. Servinik berriz uste du, gizateriaren aurkako krimenak izan zirela frankismokoak, eta ez direla iraungitzen.

Espainiako Poliziari frankismoko agintariei buruzko datuak helarazteko eskatu diote, besteak beste, nazioarteko atxilotze agindua emateko.

Gasteizko hilketen erantzuleak, besteak beste

Atxilotze agindua duten frankismoko hemeretzi agintarien artean, diktadura garaiko politikariak, ministro ohiak, epaile ohiak eta garaiko ginekologo bat daude.

Honako hauek atxilotzeko agindua eman du Interpolek: Antonio Carro eta Alfonso Osorio frankismoko presidentetza ministro ohiak, Licinio de la Fuente presidenteorde ohia, Antonio Barrera de Irimo Ogasun ministro ohia —hilda dago—, Jose Maria Sanchez-Ventura Justizia ministro ohia, Jose Utrera Molina ministro ohia, Jesus Quintana Poliziako kapitain ohia, Carlos Rey Gerra Kontseiluko kide ohia, Antonio Troncoso epaile ohia; Jesus Gonzalez Reglero, Ricardo Algar, Felix Criado, Pascual Honrado De la Fuente, Jesus Martinez Torres, Benjamin Solsona eta Atilano Del Valle polizia ohiak, eta Rodolfo Martin Villa, Fernando Suarez, Jesus Cejas eta Abelardo Garcia.

Horietako bi, Martin Villa eta Jesus Quintanak hainbat sarraski egin zituzten Euskal Herrian. Villa, Espainiako Harreman Sindikaletarako ministroa zen eta 1976ko martxoaren 3an Gasteizen Poliziak hil zituen bost langileen hilketaren erantzule izatea leporatzen zaio.

Martxoaren 3ko biktimek haren aurka deklaratu zuten Serviniren aurrean. Quintana berriz, Gasteizko polizia burua zen 1976an. Zaramaga auzoko San Frantzisko elizan zeuden lagunak tiroz hiltzea eta beste 50 zauritzea leporatzen diote.


Kanal honetatik interesatuko zaizu: Frankismoa
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


Frankismoak errepresialatutako emakumeen izenez jantziko dira Txantreako karrikak

Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.


Tefia, homosexualak zigortzeko eremua

Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]


Frankismoko bunkerrak
Hormigoizko orbainak Pirinioetako mugan

1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]


Eguneraketa berriak daude