Hego Euskal Herrirako gutxieneko soldata propioaren alde batu dira euskal sindikatuak
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi du ekimena, baina akordioa patronalarekin negoziatu behar dela dio.
"Hego Euskal Herriko gizarte, kultura, sindikatu eta politika-sarea beste lurraldeetakoen aldean ezberdina da, bai osaerari bai ereduari dagokienez". Premisa horrekin egin dute bat ELA, LAB, ESK, Steilas, Etxalde eta Hiru sindikatuek gutxieneko soldata propio baten alde, euren iritziz "burujabetzaren aldeko aurrerapausoa" litzatekeelako.
Baina ez hori bakarrik, azaldu dutenez, gutxieneko soldata "aberastasuna banatzeko eta kohesio sozialerako mekanismoa" ere bada, eta gaur egun Espainiako Estatu osorako 1.134 euro ezartzen dituen SMIa "Hego Euskal Herriko langileei bizi baldintza duinak bermatzetik oso urrun geratzen da".
Espainiako Estatuan SMI 1.184 izatea aztertzen ari da adituen batzorde bat. Euskal sindikatuek, langa askoz gorago daukate jarrita ordea, Hego Euskal Herriko errealitate sozioekonomikoa kontuan hartuta
Sindikatu horiek Herri Ekimen Legegilea (HEL) aurkeztu dute Eusko Legebiltzarrean eta Nafarroako Parlamentuan, "gutxieneko soldata ezartzeko ahalmena izatea" helburu duena. EH Bilduk jadanik adierazi du babesa emango diola. Gainera, bide beretik, lanbide arteko akordio bat lortzeko ekimenak elkarrekin landuko dituzte sindikatu horiek hemendik aurrera, "bide osagarriak" direlako euren ustez.
SMI eguneratzeko negoziazioak oraintxe hasi dituzte Espainiako Gobernuak eta espainiar sindikatu zein enpresarien elkarteek. Adituen batzorde batek hobetsi du %3,4 eta %4,4 arteko igoera izatea gutxieneko soldata horrek, hau da, asko jota 50 euro igoko litzateke, 1.184 euroraino.
Euskal sindikatuek, langa askoz gorago daukate jarrita ordea, Hego Euskal Herriko errealitate sozioekonomikoa kontuan hartuta. LABek 1.600 euroko gutxieneko soldata aldarrikatu izan du, hau da, batez besteko soldataren %60a, Europako Karta Sozialak adierazi moduan. ELAk, aldiz, 1.795 eurokoa izatea proposatu zuen irailean.
Orain, aldarrikapen horien alde batera borrokatzea hobetsi du gehiengo sindikalak, HELa aurkeztu eta lanbide arteko akordioa lortzeko bidea elkarrekin egiteko.
Eusko Jaurlaritza: "Gure konpromisoa daukate"
Eusko Jaurlaritzako Ekonomia, Lan eta Enplegu sailburu Mikel Torresek prentsaurreko batean nabarmendu du "gobernu honek duen konpromisoa proiektu horrekin", eta esan du lanbide arteko akordio bat egiteko ez dela "eskumenik behar". Hala, gogorarazi du Eusko Jaurlaritzak erabaki zuela partida ekonomiko bat bideratzea negoziazio mahaian "lanbide arteko akordioa existitu dadin baldintzak sortzeko".
Txosten bat egiten ari direla ere azaldu du Torresek, soldata hori "datu objektiboekin" finkatu ahal izateko. Zentzu horretan, sailburuak gutxieneko "soldata-tarte" bat egon daitekeela aipatu du prentsaurrean –Confebaskek halako zerbait iradoki zuen– eta oroitarazi du akordioa sindikatuek eta patronalak negoziatu beharko dutela.
Urriaren 15ean Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. ARGIAk bat egin du Palestinaren aldeko greba eta lanuzteekin. Hemen aurkituko dituzue egunaren jarraipena eta... [+]
Sindikatuek egindako lehen balorazioaren arabera, industriako enpresa handi askotako langileek bat egin dute lanuztearekin, zenbait kasutan jarraipena "erabatekoa" izan da gainera. Aldiz, beste sektoreetan, komertzioan eta enpresa txikietan kasu, eragina ez da... [+]
Hezkuntzak egun osoko greba bizi du Hego Euskal Herrian eta jarraipen zabala izaten ari dela adierazi diote ARGIAri langileen eta ikasleen ordezkariek. Jarraipenaren datuak, elkarretaratzeak, zabaldu dituzten mezuak eta deialdi berezituaren arrazoiak jaso ditugu. “Beste... [+]
Palestinaren aldeko lanuzteek enpresetan jarraipen zabala izatea aurreikusten zuten sindikatuek, eta hala izaten ari da. Gainera, mobilizazioak lantokietan bertan hasi dira, hiriburuetan egingo diren manifestazio handien atariko.
Urriaren 15ean palestinar herriaren aurkako genozidioa salatzeko geldialdia egingo dugu, indartsu. Itxiko ditugu enpresak, elkarteak, egoitza publiko zein pribatuak, industrialdeak. Zaharren egoitzak edo ospitaleak ez, zerbitzu minimoak %100ean jarri dituztelako, zerbitzu... [+]
Batzuontzat ikusezintasuna ez da berria. Edozein mailatan, edozein esparrutan. Ikusezinak gara. Asko jota, pasa gaitezke ikusezinak izatetik itzalak izatera. Zorionekoak, hazpegiak antzemanez gero. Askori egingo zaizue ezaguna. Edozein mailatan, edozein esparrutan. Baina gaurko... [+]
Urriaren 15eko asteazkena Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. Albiste honetan jaso ditugu deialdiak. ARGIAk bat egiten du Palestinaren aldeko greba eta... [+]
Prentsaurrekoa egin dute gaur berresteko greban jarraituko dutela eta Garnica taldeari ere eskatu diote hausnartzea eta kaleratzeak ez egikaritzea.
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
Munduan barrena 1.100 langile baino gehiago dituen multinazionaleko enpresariek 39 lagun kaleratu nahi dituzte” Laudion, horrelako kasuetan ohiko bilakatu den hitz magikoaren izenean “produktibitatea hobetzeko”. Egur fabrikako langileek greba mugagabearen... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Astelehenean elkartu ziren berriro langileen ordezkariak eta Garnica taldeko zuzendaritzako kideak eta, nahiz eta proposamen ezberdinak aurkeztu, konpainiak berretsi zuen bere asmoa dela 39 behargin kaleratzea.
Araban izan den grebarik luzeenetakoa izan da Gasteizko lorezainek egindakoa. Asteartean amaitu da, udalak azpikontratatutako Enviser enpresak eta langileen ordezkariek (LAB, ELA eta ESK) akordioa lortuta. Martxoaren 26an hasi zuten greba lorezainek, soldata duinak... [+]
1974tik etorkizunera, LAB zabaltzen erakusketak sindikatuaren 50 urteko lana biltzen zuen, eta Tuterako alkateak Alejandro Toquero (UPN) bertan behera utzi du zenbait panelek "terrorismoa gorazartzen" zutelakoan.