Haurrak kalera ateratzen uztea aztertzen ari da Espainiako Gobernua

  • Kutsatuen kopurua jaitsi ahala, ea haurrek, Italian egin bezala gutxieneko aisialdia bermatzeko, kalera ateratzeko aukera izango duten galdetu dio ERCko parlamentari Gabriel Rufianek Espainiako Osasun ministroari. Gobernuak ez duela horren aldeko konpromisorik hartuko, baina "aukera hori aztertzen ari direla" adierazi du Salvador Illa ministroak..


2020ko apirilaren 03an - 09:43
Italian haurrak ateratzen hasi dira aire zabalera. Argazkia: EFE

Espainiako Osasun ministro Salvador Illak ez du ezer aurreratu nahi izan, baina Gobernua "etorkizuneko agertokiei begira" lanean ari dela baieztatu du, konfinamendu gogorreko egoera gainditzeko. Espainiako Kongresuko Osasun Batzordean egindako agerraldian, ministroak esan du "zenbait tokitan koronabirusak kutsatutakoen gailurra” gainditu dutela.

Apirilaren 11ko –alarma egoerak orduan amaituko da, luzapenik ez bada– data mugarri gisa ezarri du Osasun ministroak aurrera begira emango dituzten pausuei buruz azalpenak emateko. Orduan izango dituzten datuak erabakiorrak izango direla dio. Kutsatuen kurba “behar adina jaitsi bada”, haurrek denbora jakin batean aire zabalera atera eta helduek kirola egiteko aukera izango lukete berriro. Aukera hori mahai gainean dutela adierazi du Illak. Hala ere, Espainiako Gobernua gai horren inguruko "hasierako azterketa fasean" dagoela azpimarratu eta "kutsatzeak berriz ez direla gertatuko bermatu behar da aurrena", ohartarazi du.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude