Urtarrilean hasi zen Azpeitiko Elkar-ekin taldea ostegunetan apustu etxearen kontrako protestak egiten. Hamar elkarretaratze jarraian egin ondoren, ostegunean amaitu zuen Elkar-ekinek apustu etxearen aurkako ekimen iraunkorra.
Elkar-ekineko kideek ekimenaren inguruko balorazio positiboa egin dute. Batetik, herriko kuadrilla eta talde ugari batu direlako ekimenera, astero jende ezberdinak parte hartu baitu elkarretaratzean. Eta, bestetik, uste dute ekimena apustu etxearen aurkako zuzeneko presioa mantentzeko ere baliagarria izan dela.
Aurrera begira apustu etxearen aurkako ekimenekin jarraitzeko determinazio osoa dutela adierazi dute: "Behin honaino iritsita ez dugu atzera egingo". Bide horretan, herriko tabernetan dauden makinen inbentarioa egingo dute datozen asteotan.
Albiste hau Uztarriak argitaratu du eta Creative Commons lizentziari esker ekarri dugu.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.