Hamaika kontakizun hamaika hizkuntzatan, herri indigenak hurbilago izan ditzagun

  • “Hizkuntza indigenak. Ama Lurra zaintzen” du izenburu liburuak. Ipuinek, poemek, marrazkiek eta kontakizunek osatzen dute lana. Bi helburu ditu, batetik, kooperazio linguistikoak dituen balioak azaltzea, eta bestetik, herri indigenak gurera hurbiltzea.


2020ko abenduaren 04an - 11:39
Liburuaren azala.

Ondoko hizkuntzetan ipuin edo kontakizun bana aurkituko dugu: maputxe, guarani, huni kui, kichwa, nasa, q’eqchi’, k’iche’, kaqchikel, mayata’an, nawat eta euskara. Liburuak komunitateetan kultura hitzak dituen esanahiak adierazi nahi ditu. Kontakizun bakoitzean komunitate bakoitzarentzat esanguratsua den hegazti baten marrazkia aurkituko dugu.

Liburua egiteko ideia 2018an garatu zuten Garabide Elkarteak antolatutako Hizkuntza Biziberritzeko Estrategiak Aditu Ikastaroan. Urtero etortzen dira Euskal Herrira hainbat hiztun komunitatetako kideak ikastaroa egitera eta 2018an etorri ziren hogei indigenekin batera hasi ziren garatzen egitasmo hau. Bi helburu ditu liburuak, batetik, kooperazio linguistikoaren balioa azpimarratzea, eta bestetik, isilarazitako herri indigenetara hurbiltzea, haien sentipenak ezagutu ahal izateko.

Egitasmoan Euskal Herriko Unibertsitateko Munduko Hizkuntza Ondarearen UNESCO Katedra, Garabide elkartea eta Donostiako Easo Politeknikoa aritu dira elkarlanean.

Liburua Garabideren webgunean eskura daiteke. Formatu digitala doan da eta fisikoa bost eurotan salduko dute gehi bidalketa gastuak.


Kanal honetatik interesatuko zaizu: Herri indigenak
Orellanak arrazoi zuen

XVI. mendean Francisco de Orellana espainiar konkistatzaileak Amazonas ibaian gora nabigatu zuenean, ibaiaren alde banatan hiri handiak zeudela esan zuen. Inork gutxik sinistu zion orduan, eta are gutxiago hurrengo mendeetan, konkistak berak suntsitutakoaren arrastorik aurkitu... [+]


2023-12-31 | Leire Artola Arin
Melvin Picón, Guatemalako jatorrizko herrien lurren defentsan:
“Proiektuak geldiarazi ditugu, komunitateak zortzi urtez egon direlako erresistentzian”

Melvin Picón (Coban, Guatemala, 1979) maia q'eqchi' komunitatekoa da, eta Guatemala iparraldeko Alta Verapaz departamendutik etorri da Euskal Herrira, Mugarik Gabe gobernuz kanpoko erakundearekin elkarlanean. Jatorrizko herrien defentsarako hamaika elkarte eta... [+]


Ahots autoktonoak

Joan den martxoaren 23an, Seuil frantses argitaletxe ospetsuak abiarazi zuen literatur sail berri bat, “Ahots autoktonoak” deitua. Un livre dans ma valise (Liburu bat nire balizan) webgunean, Laurence Baulande sailaren zuzendariak azaldu zuen orduan egitasmoaren... [+]


Gutxienez 34 ekintzaile indigena atxilotu dituzte Etxe Zuriaren aurrean, Leonard Peltier presoa askatzeko eskatzeagatik

Peltierrek 47 urte daramatza kartzelan, FBIko bi agente hiltzea egotzita. Presoak beti defendatu du bere errugabetasuna, eta nazioarteko hainbat erakundek eskatu izan dute bera aske uzteko.


2023-09-01 | Ilargi Manzanares
Haserrea piztu du Argentinako telebista batean bi indigenari emandako tratuak

Kantuta Killa eta Wari Rimachi, Ayllu Mayu Wasi komunitateko bi indigenari barre egin zieten Bien de mañana programan. Erasoak salaketa asko eragin ditu, eta programak barkamena eskatu behar izan du.


Eguneraketa berriak daude