Angeles Cruz mexikarrak jaso du Zinegoak jaialdiko ohorezko saria

  • Aktore, gidoilari eta zuzendariak gai politiko eta sozialak lantzen dituen fikziozko filmak egiten ditu, Mexikoko bere komunitatean oinarrituta.


2023ko ekainaren 27an - 12:34
Azken eguneraketa: 15:43
Angeles Cruz zinemagilea. Argazkia: Zinegoak.

Angelez Cruzek Oaxacako Miguel Cabrera Hezkuntza Artistikoko Zentroan ikasi zuen, eta Arte Ederretan Institutu Nazionaleko Antzerki Eskolan litzentziatu zen. 1994 urtean hasi zen aktore lanak egiten, baina 2012 arte ez zuen bere lehen filma sortu: La tiricia o cómo curar la tristeza. Hurbileko batek jaso zuen erasoaren harira hasi zen bere filmak sortzen, ez zekielako nola jokatu, eta zinema egitea erabaki zuen. “Benetako istorioak kontatu nahi nituen” esan du, eta horretarako gai politiko eta sozialak lantzen ditu. Zinegoak festibalaren 20. edizioko ohorezko saria jaso du aurten.

Aurreko edizioan Cruzen Nudo Mixteco (2012) filma eman zuten, eta aurten berriro ere egingo dute. Bilbo Arte fundazioan ekainaren 29an emango dute, 18:30tan, eta sarrera doakoa izango da. Hiru emakume jaioterrira bueltatzen dira eta jaietan bat egiten dute, baina ez dira bertakoak sentitzen. Istorio horrekin, haurren sexu abusuen eta komunitate indigenetako harreman lesbikoen inguruan aritu da. Fikziozko istorioa da, baina harreman handia du Oaxacako bere komunitatearekin.

Komunitate txiki bat denez, lurrak komunitarioak dira eta erabakiak batzar irekietan hartzen dituzte 18 urte baino gehiago dituzten kideek. Cruzek horrela egiten duela lan dio, komunitateko kideekin hitz egiten, elkarrekin lan egiten. Komunitateko kideetatik, %80 baino gehiagok parte hartu dutela bere lanetan dio Cruzek, eta parte hartzen duten komunitateko kide guztiek soldata jasotzen dute.

Zinemagileak komunitatean lan egitea aldarrikatzen du, eta Zinegoak bezalako proiektuen beharra, “ur tantek gauza handiak eskaini ditzaketela” sinestuta.


Kanal honetatik interesatuko zaizu: Zinegoak
2023-07-04 | Ilargi Manzanares
Hauek izan dira Zinegoak jaialdiko film saridunak

Rita Baghdadiren Sirens dokumentalak irabazi du 2023ko Zinegoak Sari Nagusia, eta Dania Bdeir-en Warsha-k Publikoaren Saria eta Senior Epaimahaiaren Saria. Saridun gehienak emakumeak izan dira. Jarraian saritutako lanen zerrenda.


2023-06-21 | Ilargi Manzanares
Zinegoak ekainean ospatuko du 20. edizioa

Bilboko LGBTIQ+ zinema eta arte eszenikoen jaialdia ekainaren 23tik uztailaren 3ra egingo dute. Hamasei film luze eta 25 labur dituzte programazioan, beste hainbat jarduerarekin batera.


2022-02-01 | ARGIA
Albertina Carri argentinarrak jaso du Zinegoak-en Ohorezko Saria

Albertina Carri zinemagile eta ekintzaile argentinarrak otsailaren 28an jasoko du Ohorezko Saria, Zinegoak  LGTBI+ zinema eta arte eszenikoen jaialdiaren inaugurazio ekitaldian, Bilboko Arriaga antzokian. Aurtengo edizioan Carriren obrari buruzko ziklo berezia eskainiko da.


"Gure burua nahi dugun moduan izendatzeko eskubidea" aldarrikatuko du Zinegoak LGTBI+ jaialdiak

“Marioker”, “Lumatza”, “Kuir”, “Soropila” edo “Kapaza” hitzek osatu dituzte Zinegoak LGTBI+ jaialdiaren aurtengo kartelak. Inposatutako etiketarik gabe, "gure burua nahi dugun moduan berrizendatzeko, erakusteko eta... [+]


Zinegoak jaialdia martxoaren 1etik 14ra ospatuko da, era presentzial zein birtualean

Zinegoak, Bilboko Gaylesbitrans Nazioarteko Zinema eta Arte Eszenikoen jaialdiak 18. edizioa aurkeztu du astearte honetan, Bilborocken antolatutako prentsaurrekoan. Aurten, martxoaren 1etik 14ra bitartean ospatuko da eta era presentzial zein birtualean jarraitu ahal izango... [+]


Eguneraketa berriak daude