Hainbat gizon atxilotu dituzte asteburuan indarkeria matxistagatik
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren erdiguneko diskoteka baten inguruan ukituak egitea leporatuta. Atxilotuak izan dira Iruñean, Gasteizen, Burlatan, Santsolen eta Sarrigurenen ere.
Asteburuan sexu erasoak salatu dituzte Hego Euskal Herriko bederatzi udalerritan. Tuteran 30 urteko gizon bat atxilotu dute igandean, eta genero-indarkeriako delitua leporatzen diote 23 urteko bikotekideari eraso egiteagatik, udalerriko udaltzaingoak informatu duenez, eta Europa Press-ek jaso duenez. Gizona Foruzaingoaren bulegoetara eraman dute, eta atxilotu egin dute, epailearen esku utzi arte.
Beste bost gizon atxilotu dituzte indarkeria matxista egotzita Burlatan, Santsolen eta Sarrigurenen, Berria-k jaso duenez. Iruñean hiru pertsona atxilotu dituzte, horien artean bikote bat. Gizonari tratu txarrak egitea leporatu diote, eta emakumeari arma zuriz eraso egitea. Iruñean Foruzaingoak gizon bat atxilotu du, bikotekide ohiaren etxean sartzea, hari eraso egitea, eta ume bat eramaten saiatzea leporatuta. Atxilotu eta epailearen esku utzi dute gizona, eta lau delitu egotzi dizkiote: bizilekua bortxatzea, tratu txarrak egitea, indarkeriaz lapurtzea eta sekretuak jakinaraztea. Emakumea osasun zentro batean artatu zuten, besoan zauriak zituelako.
Ondarroako osasun etxean, bestalde, Ertzaintzak 31 urteko gizon bat atxilotu du, lankide bati ukituak egitea leporatuta. “Biktimak uko egin die erasotzailearen iradokizunei, eta ukituak egin dizkio bularretan eta ipurmasailetan”, adierazi du Ertzaintzaren oharrak. Gertaera igande goizeko 10:30ean izan da, eta emakumeak alde egin eta salaketa jarri du Ondarroako ertzain-etxean. Gertatutakoaren berri izatean, ertzain-patruila bat osasun zentrora joan da, eta gizona ertzain-etxera eraman dute “beharrezko eginbideak egiteko”.
Bilboko jaietako bigarren egunean hamabost lagun atxilotu dituztela adierazi du Juan Mari Aburto alkateak Euskadi Irratian, horietatik bi indarkeria matxista egotzita.
Azkenik, Donostian, 20 urteko gizon bat atxilotu du Ertzaintzak, hiriaren erdiguneko diskoteka baten inguruan emakume bati sexu-erasoa egitea leporatuta. Atxiloketa goizaldeko 05:10ean izan da, Ertzaintzaren webgunean irakur daitekeenez, "biktimak Ertzaintzari jakinarazi ondoren gizon bat oldartu zitzaiola eta diskoteka baten inguruan ukituak egin zizkiola”. Sexu-eraso eta lapurreta delitu bat egotzi dizkiote, “biktimari diru zorroa ere lapurtu ziolako”. Aipaturiko diskotekaren inguruko kale batean aurkitu zuten gizona. Gaztea ertzain-etxera eraman dute “beharrezko izapideak egiteko”, eta epailearen esku utzi dute.
Gasteizen gizon bat atxilotu du asteburuan Udaltzaingoak, eta genero-indarkeriako delitua egotzi diote. Bikotekidearekin eztabaida labur bat izan ondoren, gizonak mehatxu larria egin eta eraso egin dio, Noticias de Álava-k informatu duenez. Gertaera establezimendu publiko batean gertatu zen. Gasteizen abuztuaren 15ean 32 urteko gizon bat atxilotu zuten, emakume bat babesteko agindua ez betetzea leporatuta.
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.