Gure herriaren historia euskaraz eta jolasean ezagutzeko: DenboraZup!
DenboraZup! euskarazko jolasen eskaintza handitzera dator. Mahai jolasen zale den lagun kuadrilla batek sortu du, euskarazko jolasen eskasiak eta gure herriaren historiaren ezagutza faltak bultzaturik.
“DenboraZup! gure herriaren historia era dibertigarrian eta euskaraz ezagutzeko karta jolasa da”, azaldu digu Maialen Begiristain Gradok. Jolasa sortu duen taldeko kidea da: “Gasteizen batzen garen lagun taldea gara, eta jolasetarako zaletasun handia dugu: rol jolasak, mahai jolasak...”. Jolasen munduan sentitzen zituzten gabezietatik sortu zen DenboraZup! egiteko ideia: “Ikusten genuen mahai jolasen eremuan euskarazko eskaintza txikia dela, eskaintza hori zabaldu nahi genuen”. Euskal Herriko historia da jolasaren bigarren ardatza: “Gure artean historialari bat dugu, eta iruditzen zitzaigun gure herriaren historia ez dugula aski ezagutzen”. Edonola ere, jolasa den heinean, “ondo pasatzea da xedea”.
Karta jolasa da DenboraZup! 110 karta ditu, bakoitza gertaera historiko bati dagokio, eta jokalariek denbora lerroan aurrerago edo atzerago kokatu behar dute bakoitza. Hasiera batean 11 urtetik aurrera aritzeko jolas bezala saldu dute, baina gero ohartu dira ume txikiagoak ere dibertitzen ahal direla, bestelako erabilera batzuk asmatuta: “Esaterako, zenbakiekin jolastuz”. Begiristainek dio gozatu eta sufritu, biak egin dituztela jolasa sortzen: “Oztopo askorekin aurkitu gara ezagutzen ez genuen eremua zelako. Edizioa, banaketa, marrazkigintza, bideogintza, testugintza... Baina bidea atsegina ere egin zaigu”.
Harrera ona
Bere txikitasunean, sortzaileak pozik daude jolasak izan duen harrerarekin. Durangoko Azokan jarri zuten lehendabizikoz salmentan. Ondoren Euskal Herri osoko dendetara zabaltzea lortu dute, eta web orria egin dute online saltzeko eta argibide gehiago emateko. Lan hori guztia errazteko enpresa txiki bat sortu dute Begiristainek eta lagunek, baina ez dute etekin asmorik: “Momentuz gastatutako dirua berreskuratzea da helburua. Irabaziak baditugu, diru hori jolas berriak egitera bideratuko dugu”. Badute bigarren jolas bat kaskoan dantzan, musika ardatz. Baina momentuz, DenboraZup! ahalik eta gehien mugitzea dute lehentasun.
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]