Semilla Mugimenduak Guatemalako presidentzia botoen %61 lortuta eskuratu du, baina hala ere, Guatemalako Herritarren Erregistroak legez kanpo utzi du hautatutako alderdia, ustez 2017 eta 2018 artean jasotako sinadura faltsuengatik. Arevalok “Hemendik aurrera, ezerk ezin du legeak eragotzi 2024ko urtarrilaren 14ko kargu hartzea. Garai historikoa da hau” adierazi du, eta helegitea jarriko dutela.

Semilla Mugimenduak babes errekurtso bat aurkeztuko dute, Orellana epailea eta Rafael Curruchiche fiskala buru izan dituen “jazarpen politikoa” amaitzeko. Curruchiche fiskalak, Orellana epailea eskaerari erantzunez, uztailaren 12an eskatu zuen Semilla Mugimendua legez kanpo uztea, ustezko sinadura faltsuen aferarengatik.

Amerikako Estatuen Erakundeko Idazkaritza Nagusiak adierazi duenez alderdia inhabilitatzea “frogatutako oinarri edo arrazoirik ez du” eta “legearen neurriz kanpoko interpretazioa da". Horrekin batera, “oinarri demokratikoak eta herritarren borondatea errespetatu behar direla” aldarrikatu du.