Guardianeko langileek mobilizazioekin jarraituko dute, instituzioen “promesa faltsuen” aurrean
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon". Ostiralean manifestazioa egingo dute SOS Aiaraldea plataformarekin batera.
Egun gogorra bizi behar izan zuten Laudioko Guardian Glass enpresako langileek asteazkenean. Goizean goizetik sumatu zituzten "kanpoko" pertsonen sartu irtenak lantegian, zuzendaritzak labea itzaltzeko asmoa erakutsi baitzuen.
Hasiera batean Osalaneko eta Eusko Jaurlaritzako Industria Saileko teknikaririk gabe eman zuten labea itzaltzeko agindua, baina langileek uko eginda prozesu hori eten zuten une batez. Hala ere, azkenerako, teknikarien beraien bermearekin labearen hozte prozesuari ekin zitzaion goizeko 11:00etan. Hainbat ordutako kezka eta egonezaren ostean, langileen susmorik okerrenak bete ziren, beraz.
Eusko Jaurlaritzak esan du itzaltzean "labearen osotasuna eta segurtasuna" bermatuko dela, inbertitzaile eta proiektu berriak hartu ahal izateko. Hain justu Laudioko alkate Ainize Gastakak Euskadi Irratian asteartean adierazi zuen inbertitzaile bat egon daitekeenaren berri bazuela. Baina langileek ziurtatu dute labea bizkor eta beira barruan duela itzaliz gero ez dela erabilgarri egongo hemendik aurrera.
Langileek gogor kritikatu dute Eusko Jaurlaritzaren jarrera: "Langileak abandonaturik geratu dira berriro, etorri behar zuenak laguntzera eta langileen ondoan egon behar zuena, ez da egon, badirudi pintxoak jaten ari direla eta lotsagarria da", azaldu du Aitor Peral langileak Aiaraldea.eus hedabideak jasotako bideo batean.
"Jakin izan dugunagatik, bi orduz bilduta egon ostean erabaki dute prozesua hastea. Orain hozte prozesu hori abiarazita dago, baina ez da egin modu kontrolatuan, hasi duten moduan ez du atzera bueltarik izango. Hainbeste propaganda eta gero, Guardianek hasieratik zuen plana jarri dute martxan", esan du Maddalen Muguruza LABeko kideak.
Greba bertan behera, baina mobilizazioekin segi
Labea itzaltzen hasi ondoren langileek egindako bileran, oso haserre azaldu dira instituzioen "promesa faltsuekin" eta "babesgabezia" horrekin.
Ostegun honetan hastekoa zuten greba mugagabea bertan behera uztea erabaki dute, deialdiaren helburua labea piztuta mantentzea baitzen: "Dena den hurrengo egunetan mobilizazioak deituko ditugu, itxiera honen zentzugabekeria eta gaur gertatutakoa salatzeko", azaldu du enpresa batzordeak komunikatu baten bidez. Enpresa batzordean ELAk eta LABek dute ordezkaritza.
"Hemen argi geratu dena da multinazionalek edozein erabaki hartu dezaketela inongo baldintzarik gabe, ez dagoelako organorik benetako baldintzak eta mugak jarriko dizkiena holako erabakiak hartzerakoan –esan du Muguruzak– langileak gaur inolako tresnarik gabe utzi dituzte".
Ostiralean manifestazio bat egingo dute arratsaldeko 18:00etan SOS Aiaraldeak eta Guardianeko enpresa batzordeak Altzarrateko futbol zelaitik hasita Laudio erdiguneraino.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
