Labea itzaltzeko prozesua eten dute Guardianen, zuzendaritzak azalpenak eman bitartean
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa batzordeko kideak lantegiaren barruan daude momentu honetan.
Guardianeko 171 beharginak euren lanpostuak defendatzeko borroka betean daude sartuta eta asteazken honetakoa egun mugarria izan daiteke, beira lantegiko labea itzaliko duela adierazi baitu enpresa estatubatuarrak, hautsita dagoela argudiatuta.
Hala, ELA eta LAB sindikatuek osatzen duten enpresa batzordeko kideek azaldu dutenez, goizeko 8:00etan labea itzaltzea agindu du enpresak, Osalan eta Industria saileko teknikariei itxaron ere egin gabe. EiTB.eus-ek Jaurlaritzako iturriak aipatuta zabaldu duenez, berriz, teknikariak jadanik lantegiaren barruan daude.
Asteazken goiz erdi partean, ordea, labea itzaltzeko prozesua eten egin dute behin behinean. Enpresako zuzendaritza, langileen ordezkariak eta teknikariak bilduta daudela azaldu du Naiz.eus-ek; WhatsApp bidez langileetako batek barrutik azaldutakoaren arabera itzaltze "kontrolatua" nola izango den azaltzen ari da zuzendaritza, eta enpresa batzordeko kideek eskatu dute halakorik ez egitea jardueraren "jarraipenerako soluzio bat mahai gainean izan arte".
Aiaraldea hedabideak azaldu duenez 05:00etatik aurrera dozenaka lagun elkarretaratu dira lantegiaren aurrean, Guardian ez itxi! dioen pankarta handi bat zabalduta atearen luze osoan. Bertako langileak dira, baina baita inguruko enpresetako beharginak ere; Laudioko alkate Ainize Gastaka ere bertan izan da, elkartasuna adierazteko. Inguruan Ertzaintzaren hainbat furgoneta ikus daitezke zabaldutako irudietan.
05:00etatik aurrera dozenaka lagun elkarretaratu dira lantegiaren aurrean, Guardian ez itxi! dioen pankarta handi bat zabalduta atearen luze osoan. Bertako langileak dira, baina baita inguruko enpresetako beharginak ere
Enpresa batzordeko kideak lantegi barruan daude jadanik. Hala ere, aurretik langileekin izan dira, eta adierazi diete Eusko Jaurlaritza ez dela beraiekin bildu, azaltzeko Guardian Glasseko zuzendaritzarekin asteartean azken orduan zer adostu duten.
"Ez dugu onartuko eskualdean 171 lanpostu suntsitzea"
Industria, Trantsizio Energetiko eta Jasangarritasun sailburu Mikel Jauregik esan du Jaurlaritzak teknikari talde bat bidaliko duela, itzalketaren "fidagarritasuna eta segurtasuna ziurtatzeko". Nolanahi ere, sindikatuen esanetan enpresak labea itzaltzeko agindu du, teknikariei itxaron ere egin gabe.
:red_circle:ZUZENEKO KONTAKETA | Enpresa batzordeko kideek jakinarazi dutenez Guardianeko zuzendaritzak labea itzaltzeko agindua eman du, lantegaian Eusko Jaurlaritzako teknikariak azaladu ez diren arren.
— Aiaraldea.eus (@aiaraldea) January 29, 2025
:calling:Zuzeneko kontaketa https://t.co/AW7QKfgerT atarian.
info+ https://t.co/9wHhYf4Img pic.twitter.com/qCAvlWQzDo
Langileek fabrika atarian akordio horren lehen balorazioa egin dute: "Ez da langileekin zerbait adostua izan –adierazi du Maddalen Muguruza LABeko ordezkariak–, ez da prozesu bat planteatzen non bermeak dauden, hortaz, gu hasierako posturan mantentzen gara. Labea itzaliz gero ez dakigu ze aukera egongo diren. Gu orain planto egitera gatoz, eskatzen dugu egiten dena komitearekin konpartitua izatea; eta ez dugu onartuko eskualdean 171 lanpostu suntsitzea".
Labea langileek ezagutzen dute hoberen
ELAk asteartean eskatu zuen labearen itzalketa "kautelaz" geldiaraztea, baina EAEko Justizia Auzitegi Nagusiak ez du onartu eskaria.
LABek, bere aldetik, Lan Ikuskaritzaren eta Lan Delegaritzaren aurrean salatu du labea itzaltzeko erabakia. Sindikatuak azaldu duenez, labearen jarduera eteteak, "itzulezin" egingo luke enpresaren itxiera eta segurtasun arazoak ere ekarriko lituzke.
"Gaur zer gertatuko den ez dakigu, hemen komunikatu bat bakarrik daukagu, eta labea hozteak ekarri dezakeena zeinek ezagutzen duen bertoko langileak dira", azaldu du Mikel Etxeberria ELA Industriako ordezkariak elkarretaratzea egiten ari diren bitartean.
Greba, ostegunetik aurrera
Jauregik asteartean egindako adierazpenek haserrea sortu dute langileen artean: "Langileei eskatzen diegu labea itzaltzeko prozesuan lagundu dezatela", esan du Industria sailburuak, horrela labeari kalte gutxiago egin eta inbertitzaile berriak erakartzea errazagoa izango delakoan.
Jauregik asteartean egindako adierazpenek haserrea sortu dute langileen artean: "Langileei eskatzen diegu labea itzaltzeko prozesuan lagundu dezatela", esan du Industria sailburuak
Fabrikako langile ororentzat golpe gogorra da gau eta egun etengabe piztuta izan duten, eta zaintzen eta lanean aritu diren labea hoztu eta itzaltzea, are gogorragoa horretan lagundu behar izatea. Baina hala ere Guardianeko langileak ez daude etsitzeko eta ostegunetik aurrera greba mugagabea hasiko dutela iragarri dute.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
ELA sindikatuak salaketa penala aurkeztu du Amurrioko Instrukzio Epaitegian Guardian Europako lehendakariordearen eta gai juridikoetako arduradunaren aurka, Autoglas-Glavista enpresan izandako gertakariengatik.