“Gogoz eta indartsu heldu gara 10. urteurreneko ospakizunera"

  • 2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen mehatxuez eta alkate berriaz espero dutenaz, edo urteurreneko ospakizunen helburuez hitz egin dugu Xanti Hidalgo Gereñurekin, Errekaleor auzo okupatuko bizilaguna eta komunikazio lantaldeko kidea.

Argazkia: Errekaleor Bizirik

2023ko irailaren 13an - 07:25
Azken eguneraketa: 09:21
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

"Duela hamar urte ikasle gutxi batzuen ametsa zena egun oso errotuta dago Gasteizen", laburbildu du hamarkada Xanti Hidalgok. "Euskal Herri mailan ere bilakatu da erreferente", gaineratu du jarraian. Eta errotze horren sekretuetako bat seinalatu du: 2013az geroztik ehunka dira Errekaleor bizitokitzat hartu duten pertsonak, eta "milaka" proiektuan modu batera edo bestera parte hartu dutenak.

Eginak eta ezinak

Hamarkada honetako lorpen eta gabezia nagusiak aletzeko eskatu diogu Hidalgori. Elementu positiboen artean, Gasteizko Udalaren eraso ugariei eman dieten erantzuna aipatzen du lehenik. Gogoratu du 2002tik aurrera udalak eremuarentzako plan bat aurkeztu eta auzokideak auzotik irtenarazten hasi zela, etxebizitzak ez zirela seguruak argudiatuta, eta nola aurkeztu duten aurten bertan txosten tekniko bat, kontrakoa frogatzen duena. 2017an Ertzaintzak auzoa okupatu eta udalaren aginduz argindarra moztu zietenean, aldiz, burujabetzaren bidetik jo, diru-bilketa herrikoi batean 100.000 euro lortu, eta ordutik "irla energetikoa" da auzoa. EHUko ikerketa batek berretsi du aurten, hain zuzen ere, Errekaleorreko bizi eredu komunitarioak –ez kontraesanik gabe– energia kontsumoaren murrizketan inpaktu positiboa duela.

Erasoetatik eta horiei emandako erantzunetatik harago, proiektuan euskarari ematen zaion garrantziaz eta horrek duen "presentzia handiaz" pozik agertu da Hidalgo, "euskararen irla bat gara". Errekaleorrek gasteiztar guztiei zuzentzen dien eskaintza zabala azpimarratu du azkenik: ekimen kultural eta politiko ugari eta askotarikoak, herri gimnasioa, edo 100 pertsona baino gehiagoren parte hartzea duten baratze komunitarioak.

Irla izan nahi, baina nahi baino gehiagotan gizartearen “isla” direla aitortu du. Baina gizartearen gehiengoan ez bezala, auzoan saiatzen dira hori ekiditeko bitartekoak garatzen, eta “akatsetatik ikasten”

Gabezien artean bi nabarmendu ditu Errekaleor Bizirik-eko kideak. Batetik, instituzio, alderdi edo komunikabideen eraso jarraituen ondorioz "etengabe jarrera defentsiboan" aritu beharra eta horrek dakartzan ondorio kaltegarriak zein higadura. Bestetik, hausnartu du, "saiatzen gara kapitalismotik at gure bizitzak eraikitzen... baina ze zaila den". Irla izan nahi, baina nahi baino gehiagotan gizartearen "isla" direla aitortu du, arazo eta jarrera berdinak erreproduzitzen direla auzoan. Baina gizartearen gehiengoan ez bezala, auzoan saiatzen dira horiek ekiditeko bitartekoak garatzen, eta "akatsetatik ikasten.

Bisitarako gonbita alkate berriari

Bi legegintzalditan Gasteizko alkate izan zen Gorka Urtaran jelkideak gogor egin du Errekaleorren aurka azken urteotan, hainbatetan ziurtatu du lehenago edo beranduago baina bai ala bai lurrarekin berdinduko zuela hiriaren aldirietako auzoa. Baina joan zen Urtaran, eta Errekaleor ez. Iragan maiatzeko udal hauteskundeen ostean, PSEko Maider Etxebarriak eskuratu du alkatetza (EH Bilduren garaipen historikoaren ondoren). Alkatetza EAJtik PSEra pasa da, baina udal gobernuak PSE-EAJ koalizioaren esku jarraitzen du. Espero al dute inongo aldaketarik udalaren aldetik? Helarazi die alkate berriak ezer?

Joan zen Urtaran, eta Errekaleor ez. Iragan maiatzeko udal hauteskundeen ostean, PSEko Maider Etxebarriak eskuratu du alkatetza

"Dakigun bakarra da elkarrizketa batean Maider Etxebarriak adierazitakoa, okupazioaren aurka dagoela", dio Hidalgok. Gogoratu du Urtaranekin hasiera batean "elkarrizketa marko" bat adostu zutela –alkate zena auzora bertara hurbildu zen inoiz bilera egiteko–, baina ondoren "moztea" erabaki zuela. Urtaranek gezur ugari zabaldu dituela iritzita, Etxeberria gonbidatu dute auzoa ezagutarazteko antolatzen dituzten bisita gidatuetako batera bertaratzera –"berarentzako bisita bat propio antolatu dezakegu nahiago badu"– proiektua zuzenean ezagutu dezan.

Ospatu, aldarrikatu, eskertu

Lortutakoa eta lortzeke dagoena borrokatzeko grinez daude Errekaleorren: "Une gozoagoak eta mikatzagoak izan ditugu, normala denez, baina egun gogotsu eta indartsu gaude, esperientziatik ikasi dugu, eta hobetzeko asmoz jarraitzen dugu". Irailaren 29rako eta 30erako egitarau mardula osatu dute horretarako. Kontzertuak iragarri dituzte soilik orain arte, baina larunbatean egun osoa bertan gozatzeko moduko egitaraua egongo dela aurreratu digu Hidalgok. Hiru helburu dituzte asteburu horretarako: ospatu –"hamar urte betetzea ez da erraza izan"–, proiektua aldarrikatu, eta "Gasteiztarrei eta babesa eman diguten guztiei eskerrak eman".

Hiru helburu ditu urteurren jaiak: ospatu –“hamar urte betetzea ez da erraza izan”–, proiektua aldarrikatu, eta “Gasteiztarrei eta babesa eman diguten guztiei eskerrak eman"

Ospakizuna handia izango dela ematen du. Baina ez zaie komeni indar guztiak bertan xahutzea, urriaren 21ean aldarrikapen eta jai egun berri bat baitago aurreikusita Gasteizen: ikasturte honetan orotara 100 urte betetzen dituzte Sumendi espazio autogestionatuak, Auzolana pilotalekuak, Gasteizko Gaztetxeak, Hala Bedik eta Errekaleorrek berak, eta elkarrekin ospatuko dute.


Kanal honetatik interesatuko zaizu: Herri mugimenduak
2024-07-12 | Estitxu Eizagirre
Amillubi proiektua hasia da konponketa lanak, landaketak eta formazio saioak egiten

Zestoako Iraeta auzoan, Urola ibaiaren meandroan daude Amilibia baserria eta bere lurrak. Horiek modu kolektiboan erosteko dirua biltzen ari da Biolur laborantza ekologikoaren aldeko elkartea. 2025 bukaerarako dute hitzartua azken ordainketa, baina erosketa fasean egon arren,... [+]


2024-07-12 | Gedar
Pertsona bat atxilotu dute Gasteizen, faxista bati aurre egiteagatik

Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.


2024-07-11 | Uriola.eus
Gentrifikazioaren aurka, pisu turistiko bat okupatu dute Bilbon

Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.


Mugak Zabaltzen karabana Balkanetara joango da, migrazio “nekropolitiken” aurka

Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.


Sorginen duintasuna aldarri

Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
[+]


Kantauri espazioa desalojatu dutela salatu du Jardun Koordinadorak

Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.


Milaka lagunek salatu dituzte Sanferminen lehen egunean izandako eraso matxistak

Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.


Traktoreen protestak hasi zirela bost hilabete
Zerekin egiten dugu amets? Elikagaien merkatu globalizatuan bira egiteaz harago

Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]


Loiuko aireportuan atxikitako gaztea deportatuko dute, Espainiako Auzitegi Nazionalaren aginduz

Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]


Loiuko aireportuan ekintzaile saharar bat atxikita daukate duela 10 egunetik

Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]


Gorputz hotsak
“Erotikan ere, ez dugu lortzen produkziotik ateratzea”

Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]


Zezenketen kontrako estrategiak Sanferminetan

Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]


2024-07-03 | Erria
Heteroarauaz beste egiten, elkarrekin

Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]


2024-07-02 | Gedar
Bidasoko suhiltzaileak Palestinako bandera kentzera behartu ditu Gipuzkoako Aldundiak

Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.


Guardia Zibilak Aldatu Gidoia ekimena isundu du, Mozal Legea aplikatuta

20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.


Eguneraketa berriak daude