Emakumeak borrokan

Gobernua, eskola eta herriko desoreken bultzatzaile?

  • Ordizia, EAEko 10.000 biztanletik gorako udalerrien artean migrazio tasa altuena duen herria da, %17,4ko tasarekin. Eskolatze datuei erreparatuz tasa hau are altuagoa da. Esaterako, Haur eta Lehen Hezkuntzan eskolaturiko ikasleen familien %21,7k atzerrian du bere jatorria. Aniztasun hau balio oso positibo eta aberastasun moduan bizi dugu. Herritar hobe egiten gaitu.

Hainbat egile*
2019ko maiatzaren 16a

Ordizian dauden bi eskolen arteko ikasle banaketari erreparatuz, ordea, desoreka nabaria da. 2-12 urte bitartean eskolatuta dauden Euskal Herrian jatorria duten ikasleen %41,5 eskola publikoan daude eta % 58,5 itunduriko ikastola pribatuan. Atzerritar jatorria duten familietako ikasleen %87,1, ordea, eskola publikoan daude eskolatuak eta soilik % 12,9 ikastolan. Ondorioz, eskola publikoan ikasleen familien %64,2k Euskal Herrian dute jatorria eta %36,8k atzerrian. Jakintzan, aldiz, ikasleen familien %94,2k Euskal Herrian dute jatorria eta %5,8k atzerrian. Desoreka hau are nabarmenagoa da Haur Hezkuntzan.

Desoreka honek eskoletako eta herriko aniztasunaren kudeaketa orekatua egiteko baldintzak asko zailtzen ditu eta, ondorioz, heziketa lan egokia, elkarbizitza, inklusioa eta euskalduntze prozesua.

Desoreka honek eskoletako eta herriko aniztasunaren kudeaketa orekatua egiteko baldintzak asko zailtzen ditu eta, ondorioz, heziketa lan egokia, elkarbizitza, inklusioa eta euskalduntze prozesua

Bide honetan, eragin zuzena izan du eta aurrera begira are gehiago desoreka dezake egoera Jakintza Ikastolan Haur Hezkuntzan 3. gela sortu izanak eta, ondorioz, Euskal Herrian jatorria duten ikasle kopuru garrantzitsua bertan eskolatu izanak eta ikasle hauek Eskola Publikora bideratu ez izanak. Ulergaitza eta erabat salagarria iruditzen zaigu Eusko Jaurlaritzak, modu erabat irregularrean eta matrikulazio dekretua bera urratuz, Jakintza Ikastolari 11 matrikula berri onartu eta ikasturte erdian planifikazio irizpideak aldatu eta ikastolari 2019-20 ikasturterako Haur Hezkuntzako 3 eta 4 urteko mailetan gela berri bana ituntzeko erabakia hartu izana. Are ulergaitzagoa, herriko eskola publikoan eskolatze plazak libre egonik. Ikasle hauek eskola publikora bideratu izan balira, eskola publikoko egoera 14 eta 17 punturen artean orekatuko litzateke Haur Hezkuntzan. Aldiz, ikastolak 3. gela izatearekin, atzerritar jatorria duten familietako ikasleak bertan eskolatzeko aukeraren bidez, bertako desoreka apenas murrizten da, eskola publikoan desoreka bere horretan mantenduz eta epe ertain-luzera desoreka areagotuz.

Erabaki hauek, hasieran deskribaturiko desoreka betikotu eta areagotzearekin batera, herriko elkarbizitza, aniztasun orekatua, inklusioa eta euskalduntzea are zailagoa bihurtzen dute.

Gure herriko eta eskola publikoaren oraina eta etorkizunarekin konprometituak gauden heinean, Hezkuntza Sailari eskatzen diogu gure eskoletan eta gure herrian bizi dugun desoreka nabari hau bideratu eta elkarbizitza egoki eta aniztasunaren kudeaketa egokiagoa egiten lagunduko diguten erabakiak har ditzala. Bide berean, Ordiziako agintari, eragile eta herritarrei ere eskatu nahi diegu beraien esku dagoen guztia egin dezatela guztion aberastasuna den gure herriko aniztasuna modu egokian kudeatu, guztiok aberastu eta elkarbizitza eta inklusio hobea izan dezagun.

Ordiziako Eskola Publikoaren komunitatearen izenean,
Gurutze Puyadena, Mabel Cia, Josune Lopetegi eta Maria Albisu,
Ordiziako Eskola Publikoko zuzendariak eta Familien Elkarteko lehendakariak.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Hezkuntza

Iritzia kanaletik interesatuko zaizu...
2019-05-26 | Anuntxi Arana
Berriago eta handiago

Ez da nobedadea, Homo omen sapiens-ak gero eta gehiago ustiatzen duen mundu hau gero eta txikiago zaigu. Lau egun jai eta Eskandinaviaraino!, zergarik gabeko kerosenoari esker. Bestela, toki jator exotikoak aukeratuko ditu euskaldun jatorrak bere oporretarako. Aldizkari honetan, martxoan, “turismoa solidario-jasangarria” aipatu zuen Pello Zubiriak, eta ametsa dela ulertu nuen, lau orriko hirusta. Esakune zelebre batez oroitzekoa: turismogintzaren funtsa dela beren etxean hobekiago... [+]


2019-05-26 | Karmelo Landa
Paradoxa bilbotarra

Politologo adituen esanetan, nazio batek ezin dezake berezko nortasunik finkatu, harik eta nazio horren hiriburu edo metropoliak nazio nortasun propioari tinko eusten dion arte.

Gai honen harira, irakurri berri dut Jon Maya dantzari eta koreografo ezagunari egindako elkarrizketa mamitsua Gara-n, eta beste gauza interesgarri askoren artean, zera dio Jon Mayak, hemengo kultur proiektuen gabeziaz: “Herri bat artikulatzeaz ari bagara, kultur proiektuak ere mahai gainean jarri behar... [+]


2019-05-26 | Be˝at Sarasola
Gure parpaila hautsiak

Posmodernitatearen seme-alabak omen gara, baina, halere, sarri izaten dugu iragana brotxa lodiz epaitu eta orainaldia ezein pasatako denbora baino moralki aurreratuagoa dela aldarrikatzeko tentazioa. Biolentzia matxista dela eta, esaterako, egungo estatistika eskandaluzkoak jartzen dizkigutelarik begien aurrean, berehala egin ohi dugu azpimarra: kontua da lehen ez zirela kontabilizatzen, besterik gabe onartzen zen biolentzia domestikoa zen.

XIX. mendeko idazle espainiar handienetakoa dugu... [+]


2019-05-26 | Imanol Alvarez
Homomonument

Holandako LGBT mugimenduak bultzaturik, 1987an inauguratu zen Amsterdamen Homomonument izeneko oroigarria, nahiagotasun sexualagatik jazarpena jasan duten gay-trans-lesbianen omenez. Naziek kontzentrazio-esparruetan ustezko homosexualak markatzeko erabiltzen zuten hiruki arrosa du oinarri. Hiruki arrosa da gaur ere mundu osoko LGBT mugimenduaren ikurretako bat, ortzadarraren ikurrina baino borrokalariagoa ere badena, nolabait esatearren.

Harrez geroztik, munduko beste hainbat lekutan eraiki... [+]


Garapen iraunkorrean hizkuntzak tokirik ez!

Euskal Herriko zenbait eragile Hizkuntza Aniztasuna Garapen Iraunkorrerako Helburu modura kontuan hartzea sustatzen ari gara


Izuaz eta babesaz

Askotarikoak izan dira azken asteotan Euskal Herriko zein Espainiako estatuko prentsan ikusi ditugun titularrak (susmagarriki, hauteskunde kanpainaren bezperetan): “Durangoko emakumeak askeago egingo dituen botoia”, “nola saihestu eraso matxistak klik batekin”, “mehatxatuak sentitzen diren emakumeentzako botoia”... Bai, Durangoko udalaren azken iragarpenaz ari gara: Izuaren aurkako botoia deitu diotenaz.


2019-05-23 | Hainbat egile*
"Pixka bat es mucho". Hori ote HABEren C1 maila?

Hil zorian dugu EGA. Erail egin dute. Hil kanpaia jo eta hiletara deitu dute herri osoa, herriko plazan gaizkilerik gaiztoena urkamendira eraman ohi duten gisan deabrutu, herritarrekin etsaitu eta erretzeko prestatzen ari dira, jakina baita otso hilak ez duela ausiki egiten.


2019-05-22 | Maddi Alvarez
"Zer nahi duzu, belarritik tiraka eramatea?"

Joan den astean, Donostiako Udalaren Hizkuntza Politikaren inguruko mahai-ingurua antolatu zuen Bagera elkarteak eta EAJ, EH Bildu, Ahal Dugu-Podemos, Partido Popular eta PSOE-PSEko ordezkariak izan ziren mahaian. Entzuleen galderen txanda iritsi zenean, Donostia Kulturak urtero antolatzen dituen ikastaroei buruz galdetu nion Udal Gobernuko Euskara Zinegotzia den Miren Azkarateri (EAJ). Paperean, ikastaro hauek euskaraz edo gaztelaniaz egiteko aukera eskaintzen badigute ere, praktikan,... [+]


(In)justizia sistema patriarkalaren aurrean, Nekane, guk sinisten dizugu!

Orain arteko bidea ez da erreza izan Nekane Txapartegirentzat. 18/98 sumarioaren epaiketaren harira, 2007an, torturapean egindako testigantzetan oinarrituz 11 urteko espetxe zigorrera kondenatua izan zen. Gauzak horrela, Euskal Herritik alde egitera behartuta ikusi zuen bere burua; halere, euro aginduaren eta estradizio eskaeraren ondorioz, 2016an atxilotua izan zen.


2019-05-21 | Koldo Urrutia
Euskeraren jatorriaren ikerle historikoak eta deskolonizazioa

Azken hamarkadan euskeraren jatorriaren ikerketan inoiz baino emaitza gehiago ematen ari direlakoan gaude: artikuluak, liburuak, eztabaidak… Adibidez, Pariseko unibertsitate batek Hector Iglesiasen Iruña-Veleiari buruzko liburua argitaratu du. Edo L’Harmattan argitaletxe famatuak Eñaut Etxamendi, Dominique eta Fina Davant eta Roger Courtoisen L´Origine de la lengua basque liburua plazaratu du. Argitaletxe horrek liburu bat argitaratzea tesi bat egitea... [+]


Azkenak
EGILEA
Eguneraketa berriak daude