Abenduaren 24tik 31ra deitu ditu grebara ELA sindikatuak erresidentzietako eta eguneko zentroetako langileak eta jarraipena “erabatekoa” izaten ari dela ziurtatu du, gutxieneko zerbitzuak “gehiegizkoak” izan arren.
Patronalaren jarrera ikusita abiatu dute zahar egoitzetako langileek Eguberri betean euren borroka, eta zazpi eguneko greba egingo dute; aurretik beste bederatzi zituzten eginak. ELAren esanetan, patronalak bere postura aldatu beharrean “izozketak” proposatu ditu eta horrek bultzatu ditu berriz ere grebara. Bi urte daramatzate ez atzera ez aurrera negoziazioekin, eta hiru hilabete dira grebara lehen aldiz atera zirenetik.
Sektorean 5.000 lagunek egiten dute lan –gehienak emakumeak–, baina Gipuzkoako Foru Aldundiak eta Eusko Jaurlaritzako Lan Delegaritzak ezarritako gutxieneko zerbitzuak medio, bostetik batek soilik egin dezake greba. Hala ere, jarraipen zabala izaten ari da: “Gipuzkoako Foru Aldundiaren jarrera hipokresia hutsa da; publikoki soldata arrakala bertan behera uztearen aldeko apustua egiten du, baina praktikan kontrako norabidean sakontzen du”, azaldu du sindikatuak. Gogorarazi du ia ehuneko ehunean foru erakundeak finantzaturik daudela erresidentziok, baina Aldundiak ez duela duen erantzukizuna "bere gain" hartu nahi.
Abenduaren 24an Donostiako Diputazioaren Jauregi atariraino ekarri zieten ikatza agintari foralei:
Mari Domingik ikatza ekarri dio @OrainGipuzkoa-ri. #erresidentziakborrokan pic.twitter.com/ZELePOwHpt
— Erresidentziak Borrokan (@erresidentziak) 2018(e)ko abenduaren 24(a)
Erresidentzietako eta eguneko zentroetako langileek, besteak beste eskatzen dituzte soldatan igoerak, ratioak handitzea eta ondorioz zerbitzuan hobekuntzak, 20 minutuko atsedenaldi ordainduak, gaixo egoteagatik penalizaziorik ez jasotzea, eta lanaldien normalizazioa, besteak beste.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.