172. greba egun igarota Gipuzkoako erresidentzietako langileek Ordiziako eta Zumarragako udaletxeetan itxialdia egin dute asteazkenean eta Zumaia eta Errenterian asteartean, Gipuzkoako Foru Aldundiaren eta patronalaren erantzun faltaren aurrean. Bizi duten prekarietateari aurre egiteko asmoz, soldata duinak eta %100ko kontratuak eskatu dituzte. Ostegunean, langileek elkarretaratzeak egingo dituzte udaletxeen aurrean, 11:15ean, hitzarmenean prekarietatea ezabatzea eskatzeko.