Getxo Aquariumeko langileak, hilabete greban

  • Akuarioa kudeatzeko esleipena daraman enpresak (Disetecmar SL) langile bi kaleratu ditu (horietako bat ELA sindikatuko ordezkaria). Era berean, greban dauden akuarioko beharginek deitoratu dute enpresako zuzendaritzak ez duela dagokion hitzarmena "behar bezala" aplikatzen. Enpresako zuzendariak, aldiz, hartutako erabaki "denak" defendatu ditu.


2019ko azaroaren 19an - 08:57
Kaleratutako bi langileak berrezartzea eta dagokion hitzarmena "behar bezala" aplikatzea aldarrikatzeko greba mugagabea abiatu dute Getxo Aquariumeko hainbat langilek.

Kirol Portuan dagoen Getxo Aquariumeko bost langileetatik hiruk greba mugagabeari ekin zioten joan den urriaren 14an, zentroaren zuzendaritzaz arduratzen den Disetecmar SL enpresak behargin bi kaleratu ondoren. Javier Urkijo da despeditu duten horietako bat, baita ELA sindikatuko ordezkaria ere. Berak azaldu digunez, akuarioko langileak urte bitan aldarrikatu diote zuzendaritzari eurei dagokien lan-hitzarmena ezartzea, orain arte ez baitute "inolako hitzarmenik" izan. "Adituek esan ziguten guri Bizkaiko Esku-hartze Sozialeko Hitzarmen Kolektiboa dagokigula, museoek dutena, alegia", azaldu du Urkijok. Hala, horren berri eman zioten zuzendaritzari, "baina honek ez zuen onartu nahi izan; aitzitik, itsas akuikulturarena ezarri zigun". Kontuak horrela, lan-gatazka kolektiboaren prozedura abiatu zuen ELA sindikatuak eta joan den maiatzean EAEko Auzitegi Gorenak arrazoia eman zien langileei; ondorioz, ekainetik aurrera hitzarmen hori aplikatu duela azaldu du Javier Sainz enpresako zuzendariak. Hala ere, beharginek lan-kategorien inguruan eztabaidatzen hasi ziren enpresagaz, hitzarmenaren aplikazio "okerraren ondorioz" zuzendaritzak ezarritakoak "baxuegiak" direlakoan: "den-denak laguntzaile moduan gaude, eta hori ezinezkoa da".

Horrez gainera, langileen artean ezinegona sortu duen beste gaietako bat da lan-arriskuen prebentziorako plana. Grebalarien arabera, "akuarioan hainbat arrisku daude, biologikoak, eta zuzendaritzak ez ditu plan horren arabera bete beharrezkoak diren pausoak betetzen". Horri denari erantzunez, hartutako erabakiak defendatu ditu Sainzek, "gure ustez lan-hitzarmena ondo ezarrita dago eta lan-arriskuen prebentziorako plana azpikontratatutako enpresa batek darama". Langileen kategorien harira, enpresako zuzendariak dio laguntzaile eta mantenurako izaera izan behar dutela: "ezin dute komisario edo hezitzaileen kategoria izan, ez dutelako horretarako beharrezkoa den formakuntza jaso". Grebalariek, aldiz, gogoratu dute ez dutela akuarioen mantenu soila egiten, "eskolekin ibilbide gidatuak egiten ditugu, eta heziketa-planak prestatzen ditugu baita ere".

Tentsio-une horien denen artean, joan den urriaren 1ean, zuzendaritzak langile bi kaleratu zituen, horietako bat ELAko sindikatuaren ordezkaria zela. Enpresaren arabera, diziplinazko iraizpenak izan dira horiek; grebalariek, aldiz, deitoratu dute "asmatutako aitzakiak" erabili dituztela kaleratzeak justifikatzeko. Izan ere, ELAko ordezkariak gogoratu duenez, 2018an antzeko egoera bat eman zen lan-hitzarmena aldarrikatzeari ekin ziotenean. "Ordezkari sindikala aukeratzeko hauteskundeak egin genituenean, zuzendariak prozesu hori desegiten saiatu zen. Ez zuen lortu eta segituan langile bat kaleratzen saiatu zen, diziplinazko iraizpena zelakoan. Une horretan greba mugagabea abiatuko genuela esan genuen eta, azkenean, akordioa lortu ondoren, ez zen kaleratzerik egon". Horren denaren harira, Disetecmar SL enpresako arduraduna eta Getxo Aquarium-eko zuzendariak azaldu duenez, "bide judizialean konponduko da dena".

Kontratazio berriak

Langileak kaleratu eta greba abiatu zenetik beste langile bi daude lanean Getxo Aquarium-ean, eta horiek biek ez dute grebagaz bat egin. Lehenengoa oporraldiak betetzeko kontratatu zuten, "eta greba dela eta, kontratua luzatu egin dio zuzendaritzak arratsaldeetan eta aste-akabuetan akuarioa zabaldu ahal izateko", grebalariek azaldu dutenez. Bigarrena, aldiz, kaleratzeak gauzatu ondoren kontratatu dute.

Kontratazio bi horiek ere ezinegona eragin die grebalariei, Eusko Jaurlaritzak ezarritako zerbitzu minimoak euren gain gelditu direlako: "zuzendaritzak gure grebarako eskubidearen kontra egin du eta zerbitzu minimoak nahasi egin ditu". Ezarritako zerbitzu minimo horiek akuarioen mantentze-lanetan oinarritzen dira batez ere; hala ere, grebalariek deitoratu dutenez, "Biologia atalean jarduten dugunok betetzen ditugu zerbitzuok, eta ez grebara batu ez diren biek".

Akordiorik ez

Hilabete honetako borrokaldiaren ondoren, oraindino ez da inolako aurrerapausorik eman lan-gatazkari irtenbidea emateko. Grebalariek diotenez, enpresak "ez du inolako aukerarik" eman akordioa lortzeko, "zuzendariak dio ez dagoela prest negoziatzeko, ezta kaleratutako bi pertsonak berrartzeko ere". Kontuak hala, greban dauden hiru langileek hainbat salaketa jarri dituzte, "atzeratutako soldaten eta kategorien erreklamazioen harirakoak". Kaleratutako langile biek ere salaketa bana jarri diote enpresari, kaleratzearen baliogabetasuna eskatuz. ELAko ordezkariak jakinarazi duenez, "kontziliazioa egiten saiatu gara, baina ez da akordiorako aukerarik egon"; hala, epaiketarako bidean dago gatazka.

Getxoko Udalari esku-hartzea eskatu diote

Getxoko Udalaren ardura da, 2025era arte, Getxoko Kirol Portuan dagoen akuario horren kudeaketa. Izan ere, 2006ko maiatzean Abra Aquarium zenaz kargutuko zela iragarri zuen Getxoko Udalak,  Bizkaiko Foru Aldundiaren Ingurumen Sailaren laguntzagaz. Ordutik, zentro horren kudeaketa-lanak egiteko lehiaketa publikoak egin ditu Getxoko Udalak; lehenengoa Aquagestión de Equipamientos SL enpresak lortu zuen, "eta horrek Disetecmar SL enpresa azpikontratatu zuen zeregin horretarako", grebalariek azaldu dutenaren arabera. Bigarren lehiaketa, aldiz, azken enpresa horrek irabazi zuen, 2016an. Lizitazioak lau urtekoak dira, beraz, behin-behinean 2020ko otsailera artekoa da enpresa horren ardura, baina hortik aurrera Udalak urtebeteko luzapena egin dezake, birritan gehienez ere.

Hori dena dela eta, grebalariek uste dute Udalak berak ere lan-gatazkaren konponbidean parte hartu beharko lukeela, "are gehiago enpresak Udalarekin sinatutako akordioa betetzen ez duelako". Hala, hainbatetan jarri dira harremanetan Getxoko Gobernu-taldeagaz euren kezkak azaleratzeko eta euren esku-hartzea eskatzeko. Azkenengo harremana urriko osoko bilkuran izan zen. Bertan, grebalariek euren kezken eta lan-gatazkaren egoeraren berri eman zioten Udalbatzari. Eurei erantzunez, Amaia Agirre Getxoko alkateak adierazi zuen Disetecmar SL enpresagaz duten kontratua "berrikusi" egingo zutela, egoera zein den argitu ahal izateko.


Kanal honetatik interesatuko zaizu: Langile borroka
Marieneko auzipetuen kontrako zigorra 8.742 eurotara emendatu die Dei Auzitegiak

Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte. 


Konpromiso sindikala Donostiako Udalean
“Euskaraz lan egin eta bizitzeko aukera bermatu daiteke, borondatea baldin badago”

Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]


‘Diario de Noticias de Álava’-ko zuzendaritzak langile bat “jazarri” duela salatu du enpresa batzordeak

Zuzendari nagusiak eta zuzendari editorialak egindako "jazarpen eta errrepresalia kasu larria" salatu dute enpresa batzordeak eta ELA sindikatuak.


Bridgestoneren proposamen berria: ekoizpena handitu, baina 232 langile kalera

Basauriko Bridgestoneren zuzendaritzak astelehen arratsaldean eman du pneumatiko lantegian enplegua erregulatzeko txostenak eragingo liekeen langileen kopuruaren berri: 232 behargin geratuko lirateke kalean, 335 beharrean. Horrez gain, ekoizpena handitzeko eta kalte ordainak... [+]


Hezkuntza publikoko irakasleek akordioa lortu dute Jaurlaritzarekin

Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]


2025-05-09 | Arabako Alea
Gasteizko lorezainak udalarekin bildu dira lehen aldiz

Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.


Hezkuntza publikoko irakasleen eta Jaurlaritzaren arteko negoziazioak ostiralean jarraituko du

“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]


Jaurlaritzako Hezkuntza Sailak negoziazio mahaira deitu ditu sindikatuak ostegunerako eta proposamen “berria” iragarri du

Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]


Bridgestonek kaleratzeen kopurua murrizteko eta horien baldintzak hobetzeko asmoa erakutsi du

Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]


2025-05-06 | ARGIA
Beste epai euskarafobo bat, administrazio publikoko langileen euskara eskakizunen kontra

Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]


Analisia
Grebak, sistema eraldatzeko

ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]


Immigrazioa eta sindikatuak, eskubide unibertsalak ala porrot kolektiboa

Gabezia guztiekin ere, sindikatuek gizateriaren alde inoiz egon den beste edozein giza erakundek baino gehiago egin dute. Duintasunari, zintzotasunari, hezkuntzari, ongizate kolektiboari eta giza garapenari beste edozein pertsona-elkartek baino gehiago lagundu... [+]


Patronalari absentismoaren “iruzurra” aurpegiratu eta lan istripuak prebenitzeko eskatu diote Hego Euskal Herriko sindikatuek

Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k, STEILASek, EHNEk, Etxaldek eta CGTk Iruñean eta Donostian.


Eguneraketa berriak daude