Gernikan 2020ko urriko azken astelehena, azoka barik COVID-19agatik

  • Koronabirusak hankaz gora eraman dituen jarduera ugarien artean, Gernikan urtero urriko azken astelehenean ospatzen den azoka famatua ere ezerezean gelditu da 2020an. Bizkaia osotik milaka jende erakartzen dituen feria bertan behera utzi du udalak, eta herritarrei egun seinalatuan bestelako elkarretaratzerik ez egiteko ere erregutu die.


2020ko urriaren 26an - 10:14
(Argazkia: Gernika-Lumoko Udala)

Gernika-Lumoko udalak aginduta, gaur Gernikan ez da ireki Euskal Herriko azoken artean sona handiena daukan Gernikako azken urriko feria. COVID-19ak eragin du udalaren erabakia, azoka eta merkatuetako zinegotzi Iñaki Gorroñok adierazi duenez ekitaldi jendetsuak egiteko beharrezko baldintzak bete ezin direlako. Udalak aurretik bertan behera utzia zuen urriaren lehen asteleheneko azoka ere.

Duela 650 urte abian jarri zutenetik, oso gutxitan geratu da Gernika bere urriko azoka famatua egin gabe, tartean 1937an Francisco Francoren estatu kolpearen eta ondorengo gerra zibilaren eraginez. Baina urriko azken astelehena inguruetako baserrietako produktuak saldu eta erosteko aukeraz gain jai egun garrantzitsua ere bihurtu denez, Gernika-Lumoko udalak dei berezia egin die herritarrei ospakizunik antolatu ez dezaten, ohartaraziz segurtasun neurri guztiak "zorrotz" bete behar direla eta egun honetan festa egitea "aurten ez dela tokatzen".


Kanal honetatik interesatuko zaizu: Elikadura burujabetza
2024-04-14 | Garazi Zabaleta
Jakiak ehuntzen
Zangoza inguruan tokiko elikadura sistema eraikitzen

Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]


Porrotak, ikasketak, baso jangarriak

Bidaia hau hasi nuenean, ikuspuntu erromantikoz imajinatzen nituen baso jangarriak: zuhaitz artean ibili, fruitu goxoak dastatu, loreak usaindu... baina baso jangarriek badituzte arantza ugari ere, porrotak, erratak... Gaur, ikasketa politak eskaini dizkidaten porrot horietako... [+]


"Eskolan ortu xume bat lantzeak testuingurua ematen digu planetan ditugun arazoez aritzeko"

Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]


2024-04-03 | Estitxu Eizagirre
Juanma Intxaurrandieta, ekonomia irakasle eta INTIAko kudeatzaile ohia
"Merkatu globalean elikagaien prezioa oso hauskorra da, zuzenean erosita egonkorragoa"

Elikagaien prezioak zergatik igo dira hainbeste? Nola ezartzen dira prezioak? Juanma Intxaurrandieta Nafarroako Unibertsitateko ekonomia irakaslea eta INTIAko kudeatzaile ohia da, egun erretiratua. Eli Pagolak Egonarria saioan egin dion elkarrizketan, hizkuntza arruntean eta... [+]


1.300 urtez, elkarrekin lurra landu eta bizi

Gaubea haranean, Tobillas herriaren alboan, Serna deitzen dioten nekazaritzarako lursail bat dago. Baina ez da baratze soil bat: historiak eta arkeologiak diote 1.300 urteko bizia duela eremu horrek. Herritarren langintza kolektibo baten emaitza izateaz gain, parada ematen du... [+]


Eguneraketa berriak daude