Gaza eta Zulueta, Gasteizko Orbain kultur elkartearen maiatzeko dokumental zikloan
Maiatzaren 7an hasiko da zikloa, Gazaren inguruko hiru dokumental laburrekin.
aurre egingo dieten hedabide independenteak
Orbain kultur elkarteak, beste hilabete batez, Doku-Mental zikloa eskainiko du maiatzean. Gazako genozidioa, Julian Zulueta esklabistaren historia eta emakumeen gorputzen tratamendua zineman izango dira gaiak dokumentaletan, eta hileko rock and roll eskaintza ez da faltako El Pintalabiosen eskutik.
Maiatzaren 7an, Genozidioa Gazan izenburupean, hiru dokumental labur eskainiko dituzte, 19:00etan. Carlos Bover Martinez eta Julio Perez del Campok zuzendutako Gaza; Armelle Loiseauk eta Agnes Varraine-Lecak zuzendutako Gaza, jóvenes bajo la ocupación; eta Carlos D’Ursiren Yala. Arabako BDZko Esther Muñoz kideak gidatuko du dokumentalen osteko solasaldia. Gainera, Gorka Hierrok Palestinaren alde egindako zurezko eskultura bat zozketatuko dute.
Maiatzaren 14an, berriz, Angel Katarainek zuzendutako Zulueta, Azúcar Moreno dokumentala ikusi ahal izango dute Navarro Villosladako aretora batzen direnek. Ondorengo solasaldian Gladys Giraldok eta Tony Cuhnak parte hartuko dute, Contrapunto taldeko kideak biak.
Maiatzaren 21ean, Nina Menkesen Manipulación: sexo, cámara y poder ikusi ahal izango da; oraindik ez dute zehaztu dokumentalaren osteko solasaldia nork gidatuko duen. Eta maiatzaren 28an, Jose Luis Blanco eta Fernando Lopez de Heredia Hala Bedi irratsaioko El Pintalabios saioko aurkezleek gomendatutako dokumentala eskainiko dute.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
'Ehun metro', Zergatik panpox', 'Hamaseigarrenean aidanez' eta 'Oraingoz izen gabe' dira zaharberritzen ari diren lanak. Zinemaldiko Klasikoak sailean ikusi ahalko dira.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]