Gaur epaituko du Ahed Tamimi ekintzaile palestinarra Israelgo epaitegi militar batek
17 urteko ekintzaile palestinarra da Ahed Tamimi eta azken urteetan erresistentziaren sinboloetako bat bilakatu da. Abenduaren 20an atxilotu zuten. Aldakeratik ezean, asteartean igaroko da Israelgo epaitegi militar baten aurretik.
Tamimi bere amarekin batera zegoela atxilotu zuten, Ramalah ondoan dagoen Nabi Saleh herrian Israelgo soldadu bati zaplasteko bat nola ematen zion ikusten zen bideo bat zabaldu eta hiru egunera. 12 delitu egozten dizkiote, harriak botatzea, soldadu baten lana eragoztea eta "biolentzia sustatzea".
"Okupazio sionistaren tribunal militarretan ez da inoiz epaiketa justurik espero. Haur palestinarrek, preso politiko palestinar bakar batek ere ez du epaiketa justurik izan", adierazi dio Jaldía Abubakra ekintzaileak HispanTV kateari.
Tamimi oso ezagun egin zen bere anaia txikia atxilotu nahi zuten unean, familia osoarekin batera, Israelgo soldadu bat gerarazteagatik.
Tamimi Israelgo estatuaren aurkako erresistentziaren sinboloetako bat bilakatu da eta gazte-gaztetatik manifestazioetara joan da, Palestinako beste milaka gazte bezala.
Mundu osoan kontzentrazio eta protestak egin dituzte Tamimi eta preso palestinarrak askatzeko eskatuz.
Hainbestekoa da Gazan droneek eguneroko bizitzan eta iruditegi kolektiboan daukaten eragina ezen hitz propio bat asmatu dutela droneentzat: Zazana. Hitz onomatopeikoa da, gazako dialektoan.
The Drone Eats With Me: A Gaza Diary liburuan (Droneak nirekin jaten du: Gazako... [+]
.jpg)
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Astelehen gauean iragarri zuen antolakuntzak ontzidia apirilaren 24an, asteazkenez, itsasoratuko zela, baina gutxienez ostiralera arte atzeratu dute irteera.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
