Garun-paralisia eta %87ko desgaitasuna duen ikasleari behar duen laguntza ukatu dio Eusko Jaurlaritzak

  • %87ko desgaitasun motorrarekin, Usurbilgo gazte batek ikastordu guztietan laguntzailea izan du orain arteko ibilbide akademikoan, baina Lanbide Heziketara igaro denean, jardunaldi erdian baino ez diote jarri laguntzailea. Laguntzailerik gabe dagoen orduetan ezinezkoa zaio aurrera egitea, eta ikastetxeak berak lanaldi osoko laguntzailea eskatu du, baina ukatu egin dio Hezkuntza Sailak. Egoera honengatik ikaslea terapia psikologikoan dago. “Utzi dioten alternatiba bakarra ikasketak bertan behera uztea da, bertan behera uztea formatzeko, garatzeko eta enplegua eta etorkizun oparoa izateko aukera”, kontatu dio ARGIAri ikaslearen amak.


2023ko ekainaren 14an - 01:00
Azken eguneraketa: 10:39
Zure babesik gabe independetzia ezinezkoa zaigu

Maria Enriquezen alabak (ez du izena eman nahi) 16 urte ditu. Garun-paralisia du, eta horrek lau gorputz-adarrei eragiten die, mugikortasun arazo handiak ditu. Gurpildun aulki elektrikoa behar du, ikusmen arazoak ditu eta eskuineko eskua mugitu dezake, baina zailtasunekin. Hala, “ikas-materiala egokitzea behar du eta papera edo ordenagailua erabiltzeko laguntza behar du, ezin baitu gelakideen abiaduran egin, eta idatzi ere geldoago egiten du”, azaldu du Enriquezek.

Ikasturte honetan Usurbilgo Lanbide Heziketan Kudeaketa Administratiboa zikloa egiteko, baina, orain arte bezala laguntzailea jardunaldi osorako esleitu beharrean, ikastorduen erdirako jarri diote eta gainerako orduetan berak bakarrik moldatu behar du. Eusko Jaurlaritzako Hezkuntza Sailaren argudioa, nahikoa izan zitekeela jardunaldi erdia, baita onuragarria ere, autonomia garatzeko. “Eszeptizismoz hartu genuen, eta uste dugu argudioa baino gehiago aitzakiak direla ekonomikoki murrizketak egiteko, baina aukera ematea erabaki genuen, ea benetan hala zen. Berehala ikusi genuen ezetz: hasieratik ikusi zuen alabak ezin zuela ikaskideen erritmoa jarraitu, atzean geratzen hasi zen, gero eta galduago, frustratuago… Autoestimuan izugarri eragin dio, zama bat dela pentsatu eta ikasketak utzi nahi izan ditu, harremanei ere eragin die, isolatzeraino”, dio amak.

"Hasieratik ikusi zuen alabak ezin zuela ikaskideen erritmoa jarraitu, atzean geratzen hasi zen, gero eta galduago, frustratuago… Autoestimuan izugarri eragin dio, zama bat dela pentsatu eta ikasketak utzi nahi izan ditu, harremanei ere eragin die, isolatzeraino"

Egoera konpontzeko eskaerek administrazioaren ezezkoa jaso dute bueltan. “Urte oso gogorra izan da, eta osasunean eta bizitza pertsonalean eragin dio. Ikasten jarraitzen du, eta baita terapia psikologikoan ere. Asko hitz egiten da nerabeen buru osasunaz; badakite zer nolako ondorioak dituen egiten ari direnak, zenbat jendek sufritzen duen honekin, nire alabarengandik hasita?”.

Garbi utzi du Enriquezek: zentroaren eta irakasleen aldetik, erabateko inplikazioa izan dute eta ondoan izan dituzte denbora guztian. Denetik egin dute: bi ikasgairi uko egin zien ikasleak (hurrengo ikasturterako utziz), malguago aritu ahal izateko, baina zailtasunak berak ziren; Berritzegunearen bigarren balorazio bat ere eskatu zen eta aholkulari psikopedagogoek zailtasunak zituela berretsi zuten, aholkuak eman zizkien irakasleei. Azkenean, bigarren hiruhilekoaren hasieran eskaera egin zion zentroak berak Hezkuntza Sailari: lanaldi osoko laguntzailea behar zuen ikasleak, “agerikoa zelako ez zegoela autonomiarik jardunaldi erdian”. Administrazioak uko egin zion eskaerari. “Argudioa izan da esleitutako laguntza ikasturte horretarako aurreikusi diren baliabideekiko egokia dela. Alegia, hasieran esleitu zitzaiona dela izango duena, eta ez dagoela aldatzeko aukerarik”.

Ezezkoaren ondoren, erreklamazioa

Ez ikastetxeak, ez familiak ez zuten amore eman. Hirugarren hiruhileko hasieran, erreklamazioa egin zioten Hezkuntza Sailari, “ez delako bideragarria horrela jarraitzea eta jarritako baliabidea argi eta garbi ez delako nahikoa”. Datu eta informazio andana gehitu du ikastetxeak, “zenbat neurri hartu dituzten, eta hala ere zailtasunek bere horretan jarraitzen dutela”, azaldu du Enriquezek. Desgaitasuna duten pertsonen eskubideen defentsan lan egiten duen Gipuzkoako Elkartu Federazioak ere txostena gehitu du, lanaldi osoko laguntzailea eskatuz eta hori legalki argudiatuz. Ikasturtea amaitzear, ez dute erantzunik jaso, “eta oraintxe bertan, ez dut erantzunik espero, hurrengo ikasturterako laguntza esleitu diotelako dagoeneko: %50ekoa berriz ere. Alabak esperoan jarraitzen du, jardunaldi osoko laguntza jarriko dioten esperantzaz, badakielako hori gabe ezin duela”.

"Oraintxe bertan, ez dut erreklamazioa erantzungo dutenik espero, hurrengo ikasturterako laguntza esleitu diotelako dagoeneko: %50ekoa berriz ere. Alabak esperoan jarraitzen du, badakielako laguntza hori gabe ezin duela"

“Amore emango duzula pentsatzen du administrazioak”

Maria Enriquezen hitzetan, “utzi dioten alternatiba bakarra ikasketak bertan behera uztea da, bertan behera uztea formatzeko, garatzeko eta enplegua eta etorkizun oparoa izateko aukera. Behin derrigorrezko hezkuntza amaituta, kito? Hezkuntza inklusibo baterako eskubidea oztopoz eta trabaz betetako ibilbidea da, erreklamazioz eta itxaronaldiz josia, hurrengo ikasturtean zer gertatuko den ez dakizun angustiarekin… Desgaitasun bat izateagatik alabak muga batzuk ditu, baina kanpoan utzi duena Hezkuntza Saila da”, salatu du. “Ez duzula borrokatuko eta amore emango duzula pentsatzen du administrazioak, familia askok hala egiten duelako, ez baitute indarrik edo aukerarik… Oso zaila da honi guztiari aurre egitea”.

Zer dio legeak?

Usurbilgo ikaslearen amak dio une batean iritsi zirela pentsatzera agian alabak ez zuela Lanbide Heziketa egiteko eskubiderik, derrigorrezko hezkuntza ez delako. “Baina ez, eskubidea du”. Legea eskuan, desgaitasunen bat duten pertsonen inguruko hitzarmenak dio sistema inklusiboa bermatu behar dela hezkuntza maila guztietan, tartean Lanbide Heziketan, eta Espainiako Estatuko eta EAEko legedietan ere, mezuak ildo berekoak dira: Enriquezen arabera, legeak azpimarratzen du “behar diren baliabideak eskuratzeko eskubidea dutela ezgaitasun motorra duten ikasleek, ikasketak aukera berdintasunean egiteko”.

Galdera airean utzi du Maria Enriquezek: “Hezkuntza Sailak benetan sinesten du inklusioan?”.


Kanal honetatik interesatuko zaizu: Diskriminazioa
San Martzial eguna, Irungo Udalak elikaturiko marmotaren eguna

Irungo udal gobernua ez da gai izan 29 urte luzetan alardeari lotutako gatazka konpontzeko… ez duelako nahi izan, beste alde batera begiratu duelako, alarde baztertzailea babestea aukeratu duelako, ausardia politiko falta eta arduragabekeria instituzional itzela erakutsi... [+]


Hernaniko Txosna Batzordea: “Faxismoari eta arrazakeriari bidea itxiko diegu”

Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]


Ehunka herritar elkarretaratu dira Hernanin San Joan gaueko eraso arrazisten kontra

Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]


Irungo ‘auzokide patruilen’ atzean, islamofobia, xenofobia eta erailketarako deiak

Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]


Istilu arrazistak gertatu dira Martzillan, eta bizilagunek adingabeen zentroa ixtea eskatu dute

Joan den asteko asteazkenetik ostegunera bitarteko gauean istiluak izan ziren Martzillan (Nafarroa), eta hainbat bizilagunek harriak eta aulkiak jaurti zizkieten zentroan zeuden etorkin adingabeei. Bizilagunak kalera irten ziren igandean, "herri seguru bat defendatzeko"... [+]


Bilboko San Frantziskon ertzainek egindako eraso bat ikertzen ari da Segurtasun Saila

Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.


AEBtako 1.800 hiritara zabalduko dituzte Trumpen kontrako protestak larunbatean

Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]


2025-06-12 | Sustatu
YouTubek isil-isilik aldatu ditu gorroto politikak eta genero identitateari babesa kendu

Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]


Debako liburutegian haurrek jasaten duten diskriminazioa ezabatuko dute

6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]


Giza Liburutegiak LGTBI+ pertsonen testigantzak ekarriko ditu Nafarroako sei herritara

Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]


2025-06-04 | Uriola.eus
Manteroekin eta Ainararekin elkartasuna adierazi dute Bilboko Epaitegiaren aurrean

Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.


2025-06-04 | June Fernández
Meloi saltzailea
Ulertezina ulertzea

13 urteko mutil bat da Adolescence telesailaren protagonista, bere eskolako neska bat erailtzeagatik atxilotua. Lau kapitulutan zehar saiatuko gara ulertezina ulertzen, baina gidoilariek ez digute azalpen errazik emango, baizik eta bullying dinamika nahasiak, manosferaren eragin... [+]


Arrazakeriaren eta pobreziaren aurrean “ardura” hartu eta erreminta berriak garatzera deitu du Gasteiz Anitzak

Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]


2025-05-29 | Gedar
Cintruenigon, besoz beso mobilizatu dira Frente Obrero eta Vox

"Delinkuentziarik gabeko Cintruenigo" aldarrikatu dute, ohi bezala, pertsona migratuak kriminalizatuz.


2025-05-22 | dantzan.eus
80-90 urte bitarteko dantzariz osatutako euskal dantza taldea

Adina ez dela dantzan aritzeko oztopo agerian utzi dute Errenteria-Oreretako Beti Bizkor elkarteko euskal dantza taldeko kideek. Dantzaren onurak argi erakusten dituen testigantza esanguratsuak jaso ditu Ikerne Zaratek Oarsoaldeko Hitzan argitaratutako Adina ez dadin ekiteko... [+]


Eguneraketa berriak daude