Frantziako Gobernuak bi aste gehiagoz luzatu du konfinamendua, apirilaren 15era arte

  • Apirilaren 15era arte luzatu du herritarren konfinamendua Frantziako Estatuak, gaur Edouard Philippe Frantziako lehen ministroak iragarri duenez. Orain arte hamabost egunerako ezarritakoa bi aste gehiagoz luzatzeaz gain, salbuezpeneko egoera gehiago zabal lezakeela ohartarazi du "osasun egoerak hala eskatuz gero". Ipar Euskal Herriko biztanleak hartzen ditu neurriak.


2020ko martxoaren 27an - 18:58
Edouard Philippe Frantziako lehen ministroa konfinamenduaren luzatzea iragartzen.

Frantziako Estatuak populazioaren konfinamendua martxoaren 17an ezarri zuen eta datorren asteartean amaitzekoa zen. Hori luzaturik, herritarrei orain arteko arau berberak aplikatuko zaizkie eta debekatuta daukate etxetik ateratzea ez bada  lan edo osasun arrazoiengatik lekualdatu behar dutelako. Philippek adierazi du Gobernuak ezarritako konfinamenduaren helburua dela izurritearen hedapena geldiaraztea eta ospitaleek kasu larrien fluxuari "ahal den neurrian" aurre egin ahal izatea. Joan den asteartean Parisko Gobernuari aholku ematen dion Kontseilu Zientifikoak gomendatua zuen konfinamenduak "gutxienez sei astez" irautea.

Gaur egun, herritarrek etxetik ateratzekotan berekin eraman behar dute zinpeko aitorpen bat deklaratuz irtenaldiaren arrazoia: behar-beharrezko produktuak erosteko, etxebizitzaren inguruan ariketa fisikoa egiteko, pertsona ahulei laguntzeko edo lanera joateko, telelana egitea ezinezkoa dutenean.

Parisko agintariek adierazi dute konfinamenduaren lehen hamar egunetan 225.000 zigor baino gehiago ezarri dituztela. Lehenengo salaketak dakar 135 euroko isuna, 15 egunen barruan jasotako bigarrenak 1.500 eurokoa eta 30 eguneko epean hiru aldiz baino gehiagotan arauak urratuz gero zigorra 3.750 eurora irits daiteke, gehi sei hilabeteko espetxealdia nozitzeko arriskua.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude