Seigarren Errepublika aldarrikatu du Ezkerreko Fronteak Hollanderen urteurrenean

  • François Hollande Frantziako presidentearen urtebeteko agintaldiaren harira, Ezkerreko Fronteak salatu du beste eredu sozio-ekonomiko bat helburu lukeen aldaketa zantzurik ez dagoela. Jean Luc Mélenchon Ezkerreko Alderdiko buruak austeritate politika kritikatu eta Seigarren Errepublika aldarrikatu du.


2013ko maiatzaren 06an - 00:00
Azken eguneraketa: 2015-02-26 13:37:33
Jean-Luc Mélenchon, Ezkerreko Fronteak deitutako manifestazioa amaitzean. (Le Progres)

Ezkerreko Frontea koalizioa bi alderdik osatzen dute: Mélenchonen Ezkerreko Alderdiak eta Pierre Laurent buru duen Alderdi Komunistak. Parisen egindako agerraldian Hollanderen urtebeteko ibilbidearen balorazio mikatza egin dute biek.

Frantziako presidentea zuzenean aipatu gabe, Bosgarren Errepublika ordezkatzen duten instituzioek ezarri duten eta "kontroletik kanpo dagoen errege txikiaz" mintzatu da Mélenchon. "Monarkia bertikalaren ikurra da Bosgarren Errepublika", esan du Ezkerreko Alderdiko buruak: "Batzar konstituziogilea deitzen dugun sistema hau bertan behera utzi eta Seigarren Errepublika aldarriaktu behar da".

Austeritate politikek herrialdea "hondamendira" daramatela dio Mélenchonek. Era berean, frantziar herriaren "subiranotasuna" aldarrikatu du, Europako instituzioen eta Nazioarteko Moneta Funtsaren gainetik legokeena.

Bere aldetik, Alderdi Komunistako buru Pierre Laurentek esan du frantziar gehienek aldaketaren aldeko hautua egin zutela duela urtebete. "Gainbehera sozialarekin, autoritarismoarekin eta arrazismoarekin hausteko nahia agertu zuten", adierazi du. "Urtebete igarota deskalabrua eta gorrotoa dauzkagu. Horrela jarraitzea porrotaren ideologia litzateke diruaren indarren aurrean".


Kanal honetatik interesatuko zaizu: Frantzia
2024-05-21 | ARGIA
Kanakyren alde, elkarretaratzea egingo dute Baionan

Kanakyko manifestariei elkartasuna adierazteko, EH Baik eta LAB sindikatuak deituta, elkarretaratzea egingo dute 19:00etan Baionako suprefetura aitzinean.


2024-05-16 | ARGIA
ETAren desarmea lagundu zuten bakegileak errudun jo ditu Parisko auzitegiak, baina zigorrik gabe

Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.


Kanaky uharteetan istilu handiak, Frantziak hauteskunde errolda aldatu ondoren

Astelehenaz geroztik Kanaky uharteetan protestak eta istiluak ari dira izaten. Gutxienez lau hildako izan dira Frantziako Gobernuaren arabera, baita zauritu ugari eta dozenaka atxilotu ere. Frantziako Asanblea Nazionalean Pazifikoko uharte hartako hauteskunde-erroldari buruzko... [+]


Frantziako Estatuaren gobernantzaren mugak begi-bistan Mayotte uharteetan

Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]


Eguneraketa berriak daude