Europako estatuak atzerriko herritarrak Nigerretik ateratzeko operazioak jarri dituzte martxan
Segurtasun Ministerioaren esanetan, Mohamed Bazoum presidentea kargutik bota zutenetik, “segurtasuna erabat okertu” da. Operazioa errepikatzeko gomendatu die gainontzeko Europako herrialdeei. Espainiako Gobernua 70 lagun ebakuatzeko lanetan hasi da.
Frantziako Atzerri Ministerioak asteartean baieztatu du Nigertik (Afrikatik) herritarrak ateratzeko operazioa. Guztira 500-600 inguru direla azaldu du Berriak. Kontrolatu ezin duten egoera delako gainontzeko Europako herrialdeek ere bide berbera jarraitu dute, hala nola Espainiako Gobernua 70 lagun ebakuatzeko lanetan hasi da, Alemaniak bertako herritarrei alde egitea gomendatu du eta Italiak hegazkinak bidaliko dituela ziurtatu.
Dena dela, Frantziako Gobernuaren ebakuazio operazioak ez ditu barnebiltzen bertan dauden 1.500 militarrak. Haiek bertan jarraituko dute, jihadismoaren “aurka borrokatzeko” eta uranio erauzketaren “interes indartsuak babesteko” asmoz.
Estatu kolpea gaitzetsi dute
Hainbat eta hainbat erakunde eta gobernuk gaitzetsi dute dagoeneko estatu kolpea. Nazio Batuen Erakundeko ordezkari Leonardo Santosek “segurtasuna zaildu” duela azaldu zuen. Bide beretik, erakundeak harremanak eten ditu Nigerrekin, eta ohartarazi zuen “neurri gehigarriak” hartuko dituela. Esaterako, Ecowasek zigor ekonomikoak ezarri dizkio, Afrikako Ekonomia eta Diru Batasuneko herrialdeen arteko aireko eta lurreko mugak itxiz.
Sahelen inguruan azken urte gutxian egon diren estatu kolpeen kopurua deigarria da, eta hori ulertzeko LARRUN honetan aipatu ditugun sakoneko arrazoiei erreparatu diete hainbat adituk. Herrialde bakoitzaren egoera desberdina izan arren, eta azaldutako auziez gain beste hamaika... [+]
Hain zabala baina europar zurientzako hain ezezaguna den Afrikak lerroburuak hartu ditu azken bolada honetan. Liskarrak, hildakoak, Polizia, agintariak, herritarrak, gazteak... egun gutxi batzuetan fokua hara bideratzen da, baina notiziak iritsi bezala badoaz, eta ahazten dira... [+]
Omar Bongo presidente ohia 2009an hil ondoren bere seme Ali Bongo bilakatu zen presidente. Bongo familia 1967 urtetik dago boterean. Azken hauteskundeak larunbatean egin ziren eta Bongok berriro irabazi zuen iruzur salaketen artean.
1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]