Film onenaren saria eskuratu du Esti Urresolaren '20.000 especies de abejas' Forqué zinema sarietan

  • 20.000 especies de abejas pelikula onenaren saria eskuratu zuen. Goya sarietan du hurrengo geldialdia zinemagile laudioarrak.


2023ko abenduaren 18an - 10:42

Sari berri bat gehitu dio Estibaliz Urresolak 20.000 especies de abejas filmaren garaipen-zerrenda luzeari. Izan ere, zinemagile laudioarraren fikziozko lehenengo lan luzea Forque Sarietako irabazlea izan zen bart.

Madrileko IFEMA aretoan egin zen sariketa, eta zinemagile laudioarrak eskuratu zuen iluntzeko aipamen nagusia: Fikziozko Film Luze Onenaren saria. Urresolaren filmarekin batera, La Sociedad de la Nieve, Cerrar los ojos eta Upon Entry pelikulak zeuden kategoria nagusian izendatuta. Bigarren sari bat ere eskuratu zuen 20.000 especies de abejas lanak, Zinema eta Baloreen Hezkuntzaren saria, hain zuzen.

Honakoa ez da zuzendari laudioarrak Forqué sarietan aipamen bat jasotzen duen lehenengo aldia. Duela urtebete film labur onenaren saria irabazi zuen Cuerdas film laburrarekin.

Aurtengo garaipenak Goya sarietarako bidea leundu dio Urresolari, eta datorren otsailaren 10ean egingo den sariketarako faborito bilakatu da bere filma. Orotara, hamabost izendapen eskuratu ditu Urresolak Goya sarietan.


Kanal honetatik interesatuko zaizu: Zinema
Laburbira hasiko da ostiralean: euskarazko zortzi film labur, 35 herritan

Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.


Ecozine jaialdiak ingurumenaren inguruko filmak ekarriko ditu datorren astean Iruñeko Golem zinemetara

Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.


Palestinari, osasun mentalari eta transexualitateari buruzko filmak ikusi ahalko dira Giza Eskubideen Zinemaldian, besteak beste

Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]


2024-04-05 | Euskal Irratiak
Iparraldean ere, euskararen aukera ahalbidetu du Netflixek

Martxotik Frantziako Netflix plataforman euskarazko audio eta azpitituluetako filmak ikusgai dira.


2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


Eguneraketa berriak daude