ARGIA.eus

2020ko maiatzaren 26a
GIB/HIESAren kontrako nazioarteko eguna

Ezinbestekoa da infekzioaren kontrolaz gain, pertsonak ere oinarritzat hartzea

  • GIBari heltzeko garaian, guk uste dugu arlo biomedikoan soilik oinarritzen den estrategia ez dela nahikoa LGTB+ komunitateak sexu-osasunean dituen premiei erantzuteko. Lesbiana, Gay, Transexual eta Bisexualen Estatu Federazioak diskurtso inklusibo bat jarri nahi du agerian. Diskurtso hori eskubideetan oinarrituta dago.

Gehitu elkartea @gehitu_elkartea
2017ko abenduaren 01a

1 Pertsonak kokatzen ditu erdigunean, pertsona horiek dituzten premiak, arazoak eta kezkak zehazten laguntzeko, LGTBI kolektiboa osatzen dugunok gure sexu-osasunaren zainketari eragiten dioten politiketan parte har dezagun lagunduz eta gure osasunari buruz, orokorrean, hartzen ditugun erabakiak balioetsiz eta errespetatuz.

2 Estigmatizazioaren edo diskriminazioaren jatorri diren alderdiak aintzat hartzen ditu, hala nola genero- eta kultura-arloko estereotipoak, LGTBIfobia edo serofobia.

3 Ezagutzetan, trebetasunetan, jarreretan, balioetan eta gure eskubideak baliatzean oinarritutako heziketa errazten du.

4 Pertsona bakoitzaren autonomia eta ahalduntzea errazten duten estrategiak barne hartzen ditu, pertsona horien errealitate konplexuetara, etengabe bilakatzen ari direnetara, egokituz, eta tresna biomedikoak guztia izango balira bezala hartu ordez estrategia horien zati gisa hartzen ditu: esposizioaren aurreko eta esposizio-ondoko profilaxia, tratamendua prebentzio gisa, preserbatiboen eta lubrifikatzaileen erabilera, arriskuen murrizketa, probak egiteko maiztasuna, eta abar.

Azken batean, Lesbiana, Gay, Transexual eta Bisexualen Estatu Federazioak sexualitatearen askapenezko begirada duen diskurtso baten alde egiten du, hots, erabaki informatuak hartzen laguntzeko balio izango duen, eta, era berean, plazerra eta gure sexualitateak bizitzeko moduan dagoen dibertsitatea kontuan izango dituen diskurtsoaren alde. Estrategien pertsonalizazioan eta estrategia horien konbinazioan oinarrituta dagoen diskurtsoa defendatzen dugu, estrategia horien eraginkortasuna hobetzeko, sexu-dibertsitatearekiko errespetua, sexu-eskubideak eta norberaren zaintzari buruzko autonomia indibiduala sustatzeko. Esku-hartze horiek eraginkorrak eta efikazak izateko, ezinbestekoa da:

1 Lege-esparru bat eta LGTBI komunitatearen berezitasunak aintzat hartzen dituzten politika soziosanitarioak garatzea.

2 Sexu-hezkuntza arautua, non Lesbiana, Gay, Transexual, Bisexual eta Intrasexualak ikusgai eta barne hartuta egongo garen.

3 Estigmaren eta diskriminazioaren prebentzioa, egon litezkeen adierazpen eta zeharkako harreman guztietan, hala nola GIBarekin bizitzea LGTBI kolektiboko kide izanik, etorkina izatea eta sexu-lana egitea.

4 Eraginkortasunez sustatzea, alde batetik, GIBa duten Lesbianek, Gayek, Transexualek, Bisexualek eta Intrasexualek aktiboki parte har dezaten beren ongizateari eragiten dioten politikak diseinatzen, eta, bestetik, hiesaren kontrako erakundeek eta LGTBI erakundeek parte har dezaten.

Aurtengo abenduaren 1ean, Lesbiana, Gay, Transexual eta Bisexualen Estatu Federazioak (LGTBEF) defendatzen du GIBari erantzuteko, infekzioaren kontrolaz gain, pertsonak ere oinarritzat hartu behar direla, eta GIBaren, HIESaren, Estigmaren eta Diskriminazioaren aurkako Estatu Itun bat eskatzen du. Itun hori bultzatzeko konpromisoa hartu zuten alderdi politiko guztiek (legebiltzarrean ordezkaritza duten alderdien gehiengoa) beren ahaleginak bateratu behar dituzte gure herrialdean hain beharrezkoa eta premiazkoa den konpromiso hori betetzeko.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  HIESa

Iritzia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude