EAEko euskarazko doktorego-tesien datu-base berria abian jarri dute
2007. urtean abiatu zuten TESIKER datu-basea eraberritu dute eta bilaketa aurreratuak errazago egiteko aukera eskaintzen du atari berriak.
Euskarazko 550 doktorego tesi inguru biltzen dituen TESIKER datu-baseak aurpegia berrituta dakar. Eusko Jaurlaritzako Kultura eta Hizkuntza Politika Sailak eta UEUk esan dutenez, helburua "euskarazko goi mailako ekoizpena sustatzea, Euskal Komunitate Zientifikoa trinkotzea eta Sarea euskarazko goi-mailako edukiekin hornitzea" da.
INGUMA deituriko Euskal komunitate zientifikoaren datu-basearekin elkarlanean aritu da TESIKER. Komunitate zientifikoak erregistratuak dituen 763 tesi horietatik jaso dira, hain zuzen ere, euskarazko datu-basean erregistratutako lanak, %70 inguru. Eusko Jaurlaritzako Hizkuntza Politikako sailburuorde Miren Dobaranek eta UEUko zuzendari Kepa Sarasolak adierazi dute datu-base horrek "jakintza arlo desberdinetako ereduak jartzen dituela denen eskura, arlo bakoitzeko ikertzaileei terminologia eskainiz".
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
