ARGIA.eus

2022ko abenduaren 06a

Euskararen erabilerak atzerapausoa eman du eskola eremuetan

  • Arrue Ikerketaren 2017ko txostenaren arabera, D ereduko umeen artean egon da jaitsiera nabarmenena. Arabako, Bizkaiko eta Gipuzkoako ikastetxeetako ikasleak eskola giroan euskaraz zenbat aritzen diren neurtzen du ikerketak.

Ixone Arana @ixonearana1
2021eko apirilaren 22a - 12:24

2017an egindako ikerketa da baina 2020ko martxoan argitaratu da eta ikerketak Araba, Bizkaia eta Gipuzkoako ikastetxeetako umeen euskara giroa aztertzen du. Ikerketak bi urtean behin egiten dira, azkena 2015ean izan zen eta honekin alderatuz 2017an euskararen erabilera eskolako eremu guztietan txikitu da. Datuak zehazki aztertu ditu Berria-k.

2017an neurturiko ia erabilera guztiak 2015ekoak baino baxuagoak dira. LH4ko umeen artean, hau da, hamar urte ingurukoen kasuan, %62 ziren beti euskaraz zihardutenak gainerako ikaskideekin gelan, baina jolaslekura irteten ziren momentuan %34 izaten ziren. DBH2ko ikasleen kasuan haatik, %26 aritu ziren ikasgelan euskaraz denbora osoan eta jolastokian %15.

Eskolan euskararen presentzia etxean baino handiagoa dela adierazi du ikerketak. Lehen hezkuntzako ikasleen kasuan etxean %30ak egiten du euskaraz, baina lehenago azaldu bezala, irakaslea aurrean ez dagoen momentuan –jolaslekuan adibidez– datu hauek oso parekoak dira.

D ereduko ikasleak

D ereduan ikasten duten ikasleen datuak soilik alderatuz gero, 2017ko datuak 2011koak baino baxuagoak dira. D ereduko ikasleen artean epe horretan LH4n erabilera orokorrak 2,2 puntu egin du behera, eta DBH2n 4,1 puntuz. Jaitsierak gradualak izan ez direla azpimarratu dute, nagusiki 2015etik 2017ra baizik. 

Ikerketa honen emaitzak ondorioztatuz, D ereduaren inguruko hausnarketak jarri dituzte mahai gainean: D ereduan ikasteak eta euskaraz aritzea eskutik ez doazela adierazi dute. D ereduaren baitan ikasleei euskarazko ingurune eraginkor bat eskaini behar zaiela azpimarratu nahi izan dute ere: "Zabaltzea komeni den hausnarketa bat da nolako osagarriak, indartzeak edo baliabide berriak behar diren zailtasun horiek orekatzeko".

Kanal hauetan artxibatua: Euskara  |  Hezkuntza

Euskara kanaletik interesatuko zaizu...
2022-12-06 | ARGIA
Lanpostuen erdiak ez du euskara eskakizunik EAEko Lanbide Heziketako irakasleak egonkortzeko lehiaketan

EAEko Lanbide Heziketako irakasle teknikoen kontsolidaziorako meritu-lehiaketan, lanpostuen erdia euskara eskakizunik gabe atera du Eusko Jaurlaritzak, eta helegitea jarri du LAB sindikatuak, lanpostu denetan euskara eskatu dadin.


2022-12-05 | Hik Hasi
'Euskal pedagogoa lokatzetan' liburuaren egileek Joxe Mari Auzmendiren balioak azpimarratu dituzte

Hernaniko Udala aukeratu du Hik Hasik Joxe Mari Auzmendiren bibliografia liburuaren aurkezpen ekitaldia egiteko. Egileak, familiakoak eta Hernaniko Udaleko alkatea eta Hezkuntza zinegotzia bildu dira Euskal pedagogoa lokatzetan, Joxe Mari Auzmendi, Hik Hasiren arima, A-tik Z-ra... [+]


2022-12-05 | Lide Iraola
Hezkuntza Legeak euskara eta euskal kultura ardatz izatea exijitu dute hezkuntzako eta euskalgintzako 211 adituk

Euskara eta euskal kultura etorkizunaren ardatz adierazpena aurkeztu dute, Euskalgintzaren Kontseiluak sustatuta, "euskara hezkuntza-sistemaren hizkuntza normalizatua" izan dadin. Hezkuntza, euskara eta kulturaren munduko 211 aditu, profesional eta sortzailek bat egin... [+]


2022-12-05 | dantzan.eus
Joseba Arrieta hil da, dantza eta euskara lotu zituen Gaztediko dantzaria

Santutxuko Gaztedi dantza taldearekin dantzaren munduan sartu eta euskaltzaletasuna dantzaren eta ikastolen bidez bultzatzen jardundako Joseba Arrieta "Txertudi" (1932-2022) hil da 92 urterekin. Gaztedi dantzari taldearen lehen belaunaldiko kidea izan zen eta EDBn... [+]


Kike Amonarriz. Euskaltzaleen Topagunearen lehendakaria
“Ahalduntzea ez dadila Euskaraldiarekin amaitu”

Hitzaldiak, prentsaurrekoak, elkarrizketak eta bilerak kontuan hartuta, egunean hiruzpalau hitzorduri erantzuten die egunotan Euskal Herriaren geografia luze-zabalean Kike Amonarrizek (Tolosa, 1961). Umoregilearen aldartearekin, komunikatzailearen argitasunaz, soziolinguistaren... [+]



Irakurrienak
Argia buletina
Egunaren laburpena
zure e-postan
Eguneraketa berriak daude