Oporrak hartzearekin batera EMMk, zenbait data garrantzitsu argitaratu ditu datorren ikasturtean ere “herri feminista” eraikitzen jarraitzeko.
Iraila eta urria bitarterako zenbait formazio jardunaldi, asanblada ireki zein nazioarteko topaketa antolatu ditu, besteak beste.
Hauek dira datak:
Irailaren 28 eta 29an formazio jardunaldia Iruñean.
Urriaren 5ean asanblada irekia Bilbon.
Urriaren 22tik 28ra Emakumeon Mundu Martxaren XI. Nazioarteko Topaketa Bilbon.
Urriaren 27n “feministon herria” Bilboko Areatzan.
Joan den ikasturtearen balorazioa
Martxoaren 8ko grebak, indarkeria matxistaren aurkako protokoloaren eztabaidak, Lolita Chávez ekintzaile feministari babesa emateak, Rana Plana Gogoan egunak, asanblada irekiak eta kaleko protestek izan dute presentzia joan den ikasturteko agendan.
Aurrera begira urrats gehiago ematen jarraituko du EMMk, izan ere, “martxa honek ez du etenik, urrutira goaz denok aske izan arte!”.
Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Bitxi Bitxi queer kolektiboa sortu dute hogei bat kidek berriki Baionan. Queer izatea, heteronormatibitatetik kanpo izatea da besteak beste. Baita genero ezberdinen adierazpena sustatzea ere.