Emakumeak borrokan

'Etxebarrie SOS': crowfundinga Arteako baserri agroekologiko bat salbatzeko

  • Artean (Bizkaia) dagoen Etxebarrie baserri agroekologikoko kideek laguntza eskatu dute joan den irailean sute batek kiskali zien ogitarako labea berritu eta laborantzatik bizitzeko beren ahalegina sal batu nahian. 17.500 euroko inbertsioa egin beharra daukate eta kanpaina amaitzeko 33 egunen faltan 3.000 euro bilduta zeuzkaten borondatezko laguntzatan.

ARGIA @argia
2019ko urtarrilaren 02a
2010etik ari da gazte talde bat Arteako etxalde honetan elikagaiak sortzeko agroekologian. (Argazkia: Etxebarrie)

Bizkaiko EHNEk zabaldutako mezu baten bidez jakin dute askok deiaren berri eta kanpainaren lehen egunetan ia 3.000 euro osatuak zituzten Goteo.org gunean crowfundingerako antolatutako Etxebarrie Baserrie SOS orritik beren laguntza bideratuta. Horrekin bermatuta daukate labe berriarentzako teilatua eta eraikina osatzea, baina labe berria erosi eta hura abian jartzeko azpiegitura guztia antolatzeko 17.500 eurotara iritsi beharra daukate, baserritarren hitzetan: " Egoera honek eskakizun legal eta sanitario guztiak beteaz ogi obradore berria egin eta egur laba ordezkatzera gaude behartuta, honek suposatzen duen inbertsioa bere osotasunean gure gain hartu ezin dugularik. Horregatik proiektuaren biziraupena bermatzeko zuen laguntza eskatzen dugu. Eskatzen dugun ekarpena obradorea egiteko materiala erosteko da, azpiegitura guztiak guk egingo ditugulako auzolanean".

Barazkiekin batera erleen produktuak eta ogia dira Etxebarrie baserriaren ekoizpen nagusiak. (Argazkia: Etxebarrie)

Etxebarrie baserria Artean dago kokatua eta bertan elikagai agroekologikoak ekoizten ditugzte. 2010. urtean hainbat gazte elkartu eta nekazaritzan lan egiteari ekin zioten, pinu monolaborantza zena jaki osasuntsuen ekoizpenerako leku bihurtuz. Barazkiak ekoiztu eta astero banatzen dituzte otzaren (saskien) bidez. Bigarren jarduera dute erlezaintza, eztia, propolia, erregin gela eta erlekumeak beste erlezain txiki askorentzat ekoiztuz. Baserriaren hirugarren zutabea da ogiaren ekoizpena, ama-orea, irin ekologikoa eta egur labea erabiliz. Hirugarren hanka hau da, hain zuzen, kolokan daukatena irailean sute batek kiskali zienetik.

150 familiari elikagaiak eskuratzen dizkien Etxebarrie baserria talde lanean kudeatzen dute eta ekoizpen gune horretatik abiatuta parte hartzen dute inguruko hainbat ekimenetan: Igitie Arratiako asanblada agroekologikoa, EHNE Bizkaia, Maskilu transformazio, Esnetik eta abar.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Agroekologia  |  Laborantza ekologikoa

Agroekologia kanaletik interesatuko zaizu...
2019-05-21 | ARGIA
Baserriko Uzta: Olatz Salvador, E˝aut Elorrieta eta Ruper Ordorika 2019ko uzta jasotzeko prest

2017ko azaroan Anarik eman zion hasiera EHKolektiboak antolatutako 'Baserriko Uzta' zikloari Antzuolako Pikunieta baserrian eta 2019rako hiru kontzertu berri iragarri ditu nekazaritza agroekologikoa sustatzen duen elkarteak. Olatz Salvador, Eñaut Elorrieta eta Ruper Ordorikak kantatuko dute Araba, Zuberoa eta Gipuzkoako etxalde banatan.


2019-03-07 | Erran .eus
Haziaren Eguna Baztanen, transgenikoen aurrean bertako hazien trukea eta ezagutza zabaltzeko

Hazien trukea eginen dute larunbat goizean Baztango Gartzainen eta Jakoba Errekondok mintzaldia eskainiko du eguerdian.


2019-02-25 | ARGIA
EHKOlektiboak agroekologiaren 12. topaketak eginen ditu igandean Itsasondon

EHKOlektiboak muga administratiboen gainetik Euskal Herri osoan agroekologian ari diren hainbat laborari, baserri eta kaleko lagun biltzen ditu. Martxoaren 3an egingo dute beren 12. topaketa nagusia, Gipuzkoako Itsasondon.


2019-02-05 | ARGIA
Arteako Etxebarrie baserria biziberritzeko crowdfundingean 7.000 euro batu dituzte

Artean (Bizkaia) dagoen Etxebarrie baserri agroekologikoko kideek SOS deia zabaldu zuten abendu amaieran, iraileko sute batek etxaldearen bizibidearen oinarrietako bat den ogitarako instalazioa kiskali ziela eta. Orain jakinarazi dute 7.000 euro bildu dituztela crowdfundingean eta ogia labatzeko obradorea eraikitzen ari direla.


2018-11-05 | ARGIA
"Herri hutsak biziberritzen" nazioarteko konferentzia burutuko da Iru˝ea eta Lakaben

Azaroaren 8tik 11 bitartean –datorren ostegunetik igandera arte– Iruñea, Lakabe eta Artidean burutuko da "Herri hutsak biziberritzen" nazioarteko lehen konferentzia. Bertan bildu eta aurkeztuko dira abandonatuta edo hustear zeuden herriak nekazaritza ekologikoaren, lekuko enpleguaren eta autokudeaketaren bitartez biztanle berriz arnasberritzeko Nafarroan, Espainiako estatuan eta mundu osoan egiten diren ahaleginak.

 


2018-06-04
Monsanto marka desagerraraziko du Bayerrek berau 53.373 milioi eurotan erosi ondoren

EAEBetako transgeniko eta pestiziden korporazioak irudi oso txarra du mundu mailan. Bayer saiatuko da horri buelta ematen.


2018-03-25 | Garazi Zabaleta
Baztango Agroekologia Eskola Herritarra
Bigarren ikasturtea martxan

Baztango herritarrek agroekologiaren inguruan ikasteko aukera izanen dute Agroekologia Eskola Herritarraren bidez. Iaz sortu zuten ekimena, Baztango hainbat herritako zortzi erakundek elkarlanean egitarau bateratua aterata. “Dibulgazioa du helburu eskolak, herritarren kontzientzia pizteko, baina ez dugu horretarako bakarrik sortu”, azaldu du Joseba Otondo alkateak ekimenaren aurkezpen prentsaurrekoan.

Erakundeen-parte hartze zabalagoa eta eskaintza berritua aurten

Iazko... [+]


2018-03-01 | ARGIA
Zuhaitz mugarroei buruzko Europako biltzarra burutzen ari dira Saran

Saran martxoaren 1etik 3ra burutzen ari dira Zuhaitz mugarroen 2 biltzarra. Elikagaien ekoizpenean soroetan zuhaitzak integratzearen abantailak lantzen dituen agroforesterian gero eta interes handiagoa pizten dute egurretarako bezala aziendak elikatzeko lepatu edo mugarrotutako arbolek.


2018-02-15 | ARGIA
EHKOlektiboak agroekologiaren 11. topaketak burutuko ditu larunbatean Uztaritzen

EHKOlektiboak Euskal Herrian agroekologian ari diren laborariak biltzen ditu. Lau sailetan egiten du elkarte honek lan: laborantza biologikoa, bertako ekoizpenak eta salmenta zuzenak, elikadura burujabetza eta ikuspegi soziala. Datorren larunbatean, 17, Uztaritzen burutuko ditu bere 11. topaketak.


2018-01-25 | Andoni Mikelarena
Arabako Batzar Nagusiek agroelikadura estrategia jasangarria diseinatu dezala eskatu diote Aldundiari

EH Bilduk aurkeztutako proposamena babestu dute Arabako Batzar Nagusietako alderdi guztiek. Aldundiak herrialdeko agroelikadura estrategia jasangarri bat adosteko prozesua diseinatu beharko du.


Azkenak
EGILEA
Eguneraketa berriak daude