Espainiako Gobernuak atzera egin du Israelgo balen erosketan
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
Asteartean jada, Espainiako Gobernuak 2025eko gastu militarra 10.471 milioi euroz igoko zuela agindu zuen, eta horrek kirioak dantzan jarri zituen Sumar talde politikoan. Asteazkenean ezagutu zenean Fernando Grande-Marlaska ministroak argi berdea eman ziola 6 milioi eurotako balen kontratuari, alarma guztiak piztu ziren.
Sumar barruko Ezker Batua izan da presio gehien egin duena, eta indar politikoak Espainiako Gobernua uzteko mehatxua ere luzatu zuen asteazkenean, baldin eta erosketa horretan atzera egiten ez bazen.
Koalizio gobernutik gertu diren hedabideen esanetan, Moncloak ere ez ditu ezagutu erosketaren nondik norako guztiak eta deseroso egonda egoera horrekin. Azkenean, Pedro Sanchez gobernuko lehendakariak esku-hartu du eta operazioa eteteko agindu du, modu horretan Grande-Marlaska ministroa ukituta utzita.
Espainiako Gobernu akordioan zehaztuta dago 2023ko urriaren 7az geroztik Espainiak ez diola armarik erosiko Israeli, eta Ezker Batua horretan oinarritu da presioa gorenera eramateko. Pedro Sanchezek berak ere Espainiako Kongresutik bermatu zuen ez zela erosketa berririk sinatuko Israelekin, honek Gazako erasoa eten arte.
Hala ere, El Diario-k ostegun honetan ezagutzera eman duenez, Espainiako Kontratazio Publikoaren Plataforman Israelgo enpresei esleitutako beste bederatzi erosketa agertzen dira, gutxienez, bideratzeko zain.
Orain, Espainiako Gobernuak iragarri du, interes orokorrean oinarrituta, inportazio hori egiteko baimena ukatuko zaiola Israelgo enpresari eta, ondoren, Barne Ministerioak kontratua etengo duela. Lehenago, ordea, operazioarekin aurrera jarraitzeko azalpenetan, Grande-Marlaskak argudiatu zuen erosketa bideratuta zegoela eta kontratua etenda ere berdin ordaindu beharko litzaiokeela Israelgo enpresari.
PPk gogor jo du Espainiako Gobernuaren aurka. Alberto Nuñez Feijook gogor kritikatu du gobernua eta esan du honek kontratua bete beharko lukeela; eta, halaber, haren eteteak zenbat balio duen eta nork ordaindu behar duen ere azaldu beharko lukeela. Kontratua bertan behera uztea “beste latitude batzuetako herrialdeen modura jokatzea” dela azpimarratu du. Bere ustez, “Israel estatu demokratikoa da, eta Espainiak harekin sinatutakoa bete behar du”.
Aurreko artikulua amaitzeko, Euskal Herriko xahuketa eta gerrarako ekoizpenaren inguruan (EHXGE, edo industria militarra) hitz egiten denean Zedarriak eta Eusko Jaurlaritzak jorratu nahi ez duten helburu bat jarri genuen mahai gainean: Euskal Herrian egindako... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Moldaketari buruzko gure liburuan azaldu genuenez, aurreko mendeko 80ko hamarkadaren amaieratik Europako gastu militarrak behera egin zuela ikusirik, XXI. mendearen hasieran Europako heriotzaren merkatariek antolatzea erabaki zuten, eta eredu estatubatuarra imitatuz lobby moduan... [+]
PSOEren hainbat egoitza eta armagintzarekin lotura duten hainbat enpresa seinalatu dituzte, hala nola, ITP Aero, Dassault eta Lauak.
Azken aste eta hilabeteetan, mota guztietako erakunde politiko eta ekonomiko eta enpresarialek etengabe altxatu dituzte gerra-hotsak. Baina zarata burrunbatsu horren asmoa argi pentsatzen ez uztea eta beldurrak gure analisia nahastea balitz? Saia gaitezen errealitate hori... [+]
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
Urtearen hasieran, Zedarriak taldeak "defentsaren" industriari buruzko "eztabaida irekitzearen" alde egin zuen publikoki (baita nuklearrari buruz ere), eta Eusko Jaurlaritzak berehala egin du bat horrekin. Lehenik, Mikel Torres lehendakariorde eta Ekonomia... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Joan den ekainaren amaieran bukatu genuen Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez sortzeko) liburuaren lehenengo zatiak Gerra badatorrela! du izenburu, bertan... [+]
.jpg)
Historia errepikatzen dela idatzi zuen Marxek, “lehenik tragedia gisa, gero fartsa moduan”. Armagintzaren eta militarismoaren inguruan errepikapen hutsa ez, espiralean goraka doan buklea ari gara bizitzen, fartsatik asko duena, eta tragedian amaitzeko gero eta aukera... [+]
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Orain dela 20 bat urte, berrikuntzaren inguruan master bat egin nuen. Bertaraturiko gonbidatu batek esan zigun gizakion historian berrikuntza teknologikoaren eragile handiena gerra izan zela. Gerra, halaber, eragile handia da botere harremanen berrikuntzan.
Berrikuntzaz ari... [+]