Espainiako Bankuak onartu du IRPH interes-tasarekin bezeroen hipoteka manipulatu zitekeela
Kutxabanken kontrako auziko abokatuen galderei erantzunez, Espainiako Bankuak esan du kutxa bakoitzak indize horren emaitzetan “eragin” zezakeela.
IRPH interes-tasak kaltetutako bezeroek badute motibo bat gehiago borrokan jarraitzeko. Espainiako finantza erakunde arautzaileak, Espainiako Bankuak, onartu berri du kutxa bakoitzak indize hori manipulatu zezakeela, azkenean bezeroak ordaindu beharreko interesa handiago izan zedin. Familia bakoitzak batez beste 300 euro gehiago ordaintzen zituen hilean hipotekari interes tasa hori aplikatzen zitzaiolako.
IRPH Stop plataformaren arabera Hego Euskal Herrian 40.000 kaltetu egon daitezke. IRPH Cajas 2013an geratu zen bertan behera, baina Kutxabankek aplikatzen jarraitu zuen denbora batez. Orain auzi ugari daude irekita bere kontra epaitegietan.
Auzi horietako batean, zehazki Burgosko Merkataritza Auzitegian jarritako salaketa baten harira, Donostiako Abogados Res bulegoko Maite Ortiz eta Jose Maria Erauskin abokatuen galderei erantzun die Espainiako Bankuak eta bulegoak bere webgunean zintzilikatu du dokumentua (pdf).
Bertan azaltzen denez, kutxek hilero bidaltzen zizkioten Espainiako Bankuari IRPHa errebisatzeko datuak, baina batez besteko sinpleak eginda, ordaindu beharreko azken interes-tasa altuagoa izateko.
Informazio gehiago:
Jose Maria Erauskin abokatuak IRPH eta bestelako gehiegizko klausulen inguruan azalpen ugari eman zituen ARGIAn, “Kutxabankek ahitu egin nahi gaitu” artikuluan.
Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.
Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
Kutxabankeko presidenteak finantza entitatearen hurrengo urtetarako asmoak azaldu ditu Cebek Bizkaiko patronalak egindako jardunaldi batean. Bere hitzartzean iradoki du Euskal Herritik kanpo hazteko proiektua duela Kutxabankek, eta horretarako banku pribatuetan eta inbertsio... [+]
Kutxa zerbitzua ez ematea, eskudirutan ordaintzeko zerbitzua ezabatzea eta "abusuzko praktikak" egitea egotzi dizkio Kontsumobidek erakundeari.