Emakumeak borrokan

Espainiako Armadak Elkano omenduko du Madrilen estatua bat jarriz

  • Orain 500 urte Espainiako inperioaren zerbitzura egindako “merituengatik” Elkanoren omenez estatu bat eraikiko du Espainiako Defentsa Ministerioak Madrilen. Proiektuaren gastuak, hala ere, herritarren diru ekarpenekin bete nahi dituzte, Diario Vascok jaso duenez.

Axier Lopez @axierL
2019ko urtarrilaren 30a
Elkano itsas-gizon mertzenarioaren omenez Getarian dauden bi estatuetako bat.

Espainiako armada kudeatzen duen Defentsa ministerioa da Elkanoren Mundu Biraren V. Mendeurrenaren ospakizunen sustatzaile nagusietako bat. Horren adibide da Espainiako Estatuko hiriburuko erdigunean Elkanoren omenez eraikiko duten estatua. 2022rako prest izan nahi dute, Mundu Biraren ospakizunen amaierarekin batera. Hala, Gipuzkoatik kanpo dagoen Elkanoren omenezko bigarren estatua izango da Madrilgoa. Bestea Sevillan dago, 1973tik. Getarian Elkanori eskainitako bi estatua eta monumentu handi bat –IV. mendeurrenaren harira eraikitakoa– daude.

Ignacio Horcada Espainiako Armadako almirante-ordea da Elkanoren Mendeurreneko ospakizunen arduradunetako bat.

Armadak sustatu eta herritarrek ordaindu

Espainiako Armadaren almirante-orde Ignacio Horcada da Espainiako Defentsa Ministerioaren ordezkaria Elkanoren V. Mendeurreneko Batzordean. Diario Vascori adierazi dionez, estatuaren kokapena eta formatua ez daude argi, baina “fundazio bat martxan dugu proiektuaren kostua bideratzeko, herritarren harpidetza bitartez”. Hau da, Espainiako Gobernuaren Ministerio batek sustatutako ekimena izanik ere, herritarrek ordaindu beharko dituzte estatuaren kostuak.

Horcada militarraren ustez, “Elkanok nahikoa meritu egin zuen bere bizitzan madrildar eta espainiar guztien erreferentzia bilakatzeko”, horregatik “Madrilgo erdiguneko leku garrantzitsu batean nahiko genuke estatua”.

2019 eta 2022 artean hainbat ekitaldi, kongresu, film, musika jaialdi, telebista serie, erakusketa eta omenaldi antolatuko dituzte Espainiako gobernuak sustatuta, Andaluzian eta Euskal Autonomia Erkidegoan mendeurrenari heltzeko sortutako ekimenekin batera.

Gaiari buruzko informazio gehiago Elkanoren Mundu Bira kanalean.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Elkanoren mundu bira kanaletik interesatuko zaizu...
Azkenak
EGILEA
Eguneraketa berriak daude