Esklabotzari stop
Muxuak erosten dizkiote San Frantzisko auzoko tximeleta bati, baita balizko irribarre goxoak ere. Udazkeneko zuhaitzak baino kartsuagoak diren begiak erosten saiatzen dira bezeroak gau ilun eta hotzetan; haien arimak berotuko dituztelakoan. Hegoak ere erosi nahi dizkiote, sarri asko, baina
"Nork ez du bere burua zuritu eta garaikideak ez diren esklabotzaren irudiak gogora ekarri? Loa atseginagoa izango dugulakoan edo"
hegoak ez daude salgai, goizero behar baititu amets gaiztoetatik ihes egiteko gure tximeleta gardenak.
Abenduaren 2an Esklabotzaren Aboliziorako Nazioarteko Eguna dugu , eta askotan galdetzen diot neure buruari ea ez ote dugun gogora ekartzen irudi okerra; hau da, esklabotzaren irudi anakronikoa. Irudi horretan George Washigntonek eta Belgikako Leopoldo II.ak euren esklaboekin zerabiltzaten eskuburdinak dira nagusi. Haatik, ez al dago XXI. mendeko esklabismoa hobeto islatzen duen irudirik? Sexu-esplotazioa, pertsonen salerosketa, haurrak euren artean ezkontzera behartzea, umeen esplotazioa, eta abar.
Ez gaitezen hipokritak izan. Afera honi buruz hitz egiten dugunean edo han-hemenka zerbait entzuten denean, nork ez du bere burua zuritu eta garaikideak ez diren esklabotzaren irudiak gogora ekarri? Loa atseginagoa izango dugulakoan edo.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]