Eskalera goitikoan gogoeta laxoak
R= P x Q. Hauxe formula berezia. Lurramako eskailer automatiko luze hura jautsi orduko ikasi duguna. Paper banatzen ari zen laguntzaile batzuek salatu daukutena. Lehen bezala orain ere hiru hizki horien artean kokatua omen baitago laboraria. Irabazia ateratzen da preziotik eta kantitatetik. I = P x K hain segur gure hizkuntzan.
Erran nahi zaukuten naski gure etxaldetan abiatzen den laborari berri edo gazte zenbait nekez dabiltzala, prezioak tinkatuak baitira aspaldian, gutieneko kantitatea segurtatu behar baita irabazia ateratzekotz…
Jakina da naski, baina zergatik ez aipa berriz. Bestelakoa da ofizialeen ala industrialarien arrazoinamendua.
Begiratzen dute zenbat gostako zaien, zenbat lehengai eta zenbat lan, eta ahalaz gosta saria baino gehiago salduko dute, merkatuak laguntzen badu, lantegiaren iraupena bermatzeko, eta menturaz hiru sos baztertzeko.
Ofiziale ala lantegi, lan eta lehengai sariak ez badira ordaintzen ahal, eneguak laster, aterabideak kausitu behar berehala, edo akabo enpresa.
Ezberdina iduri du laborantzak. Saltzapen zuzeneko aldi bakan batzuetan salbu, ez du gehienetan laborariak deliberatzen nolakoa izanen den prezioa. Eta kantitatea ere mugatzen diote hainbeste arrazoinek, bereziki eskupean daukan etxaldearen neurriak berak!
Ahantziko genuen, diru laguntzak badira laborarientzat ere. Ala fede, baina etxaldearen neurriaren araberakoak dira gutiz gehienetan, haundiago etxaldea eta nasaiagoak laguntzak. Diru laguntza apurrak ttipientzat, edo diru laguntzarik batere ez! Bada beraz etxalde frango doi doia xutik dagonik, irabazi murritza eskaintzen baitio laborariari, baina esker zabala merezi baitu jendartearen ganik.
Gosta saria eta lana ordaindu beharko zaizkio noizbait laborariari ere, ekoizpen kantitate handiegiak bere kalteak baitauzka. Eta irabazia prezioaren edo laguntzen emendiotik atera beharko baita : Re = Puñeta + Qoño !
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]