Emakumeak borrokan

Esako lanak geratzea planteatu du Nafarroako Gobernuko lan talde batek "segurtasuna" bermatzeko

  • Asteartean aurkeztu zuten Esako urtegiaren egoeraren inguruko txostena. Gobernua sostengatzen duten lau alderdiak keztatuta agertu dira.

Andoni Mikelarena @andonimik
2017ko azaroaren 08a
Argazkia: Josu Santesteban

Urtegiko lanen gabeziak jasotzen ditu txostenak. “Ziurgabetasun handiak daude urtegiko uharkaren eta eskuineko hegalaren segurtasunaren inguruan” ohartarazi dute txostenaren egileek. Horregatik Nafarroako gobernuari iradoki diote lanak gelditu ditzala “segurtasunari loturiko auziak argitu bitartean”.

Espainiako Gobernuko Ingurumen eta Nekazaritza Ministerioa, Nafarroa eta Aragoiko gobernuak, Ebroko Ur Konfederazioa (CHE), urtegiaren inguruko udalak eta eragileak mahai baten inguruan elkartzea proposatu du txostena egin duen lan taldeak, guztien artean gaia lantzeko.

Nafarroako Gobernuko departamentu ugaritako kidek osatzen dute txostena egin duen lan taldea. Parlamentuan egindako agerraldian aurkeztu dituzte  txostenean jaso dituzten ondorioak.

Alderdiak deseroso

 Geroa Baiko Patxi Leuzaren hitzetan, “zalantzak areagotu” ditu parlamentuko agerraldiak. EH Bilduko Adolfo Araizek ere hala uste du, “azalpen hauen ondotik ez da segurtasuna hobetu, eta horrek du lehentasuna urtegiaren inguruan bizi direnentzat”. PSNko Inma Juriok ordea “segurtasuna guztiz bermatuta” dagoela uste du. UPNk, txosten honek etorkizuneko inbertsioetan izan dezaken kalteaz ohartarazi du.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Esa urtegia kanaletik interesatuko zaizu...
Eguneraketa berriak daude