ARGIA.eus

2022ko uztailaren 05a

Esako urtegiari buruz Espainiako Gobernuak enkargatutako txostena galdu dela salatu dute

  • Espainiako Bide Ubide eta Kaietako ingeniarien Kolegioari egin zion enkargua Espainiako Gobernuko Trantsizio Ministerioak, ikusteko urtegiaren bideragarritasunaz erakundeak zer zioen.

Argazkia: Sustrai Erakuntza
2022ko ekainaren 22a

Ikerketak jadanik publikoa behar zuen aspaldi, baina Aragoiko Rio Aragón eta Esa, eta Nafarroako Sustrai Erakuntza eta Urbizi elkarteek txostenaz inork ez dakiela ezer salatu dute. 2019an Nafarroako Gobernuak argitara eman zuen Geoconsult enpresari enkargatu zion lana, eta hark zalantzan jarri zuen urtegiaren inguruko lurren egonkortasuna.

Edozein motuan, ordura arteko beste hainbat ikerketa legez, Geoconsultekoa ere nahiko anbiguoa zela aipatu zuten hainbat adituk. Hain zuzen ere, hori saihesteko egin zion enkargua Trantsiszo Ministerioak Ingeniarien Kolegioari 2018an, bi urteko epean bukatzeko aginduarekin. Aldeek hala adostuta, lanaren entrega 2021era arte atzeratu zen.

Ikusirik ez zegoela lanaren berririk, 2020ko otsailean Compromiseko diputatu Carles Muletek galdegin zion Trantsizio Ministerioari ea non zegoen azterketa, eta hark erantzun zion jadanik emana ziela Nafarroako Gobernuari eta CHE Ebroko Konfederazio Hidrografikoari. Baina lana ez zen ageri eta iragan apirilean, EH Bilduko parlamentari Adolfo Araizek txostenaz galdetu zion foru gobernuari, eta Javier Ramirez gobernuko bozeramaileak ihardetsi zion Nafarroako Gobernuak ez zuela txostenik jaso. "Edo batek edo besteak gezurra dio", diote egoera salatu duten lau elkarteek. Edozein modutan, ez dirudi horren gaitza txostena berreskuratzea, pentsatzekoa baita ministerioan egongo dela originala eta kasurik txarrenean Ingeniarien Kolegioak izango duela kopiarik.

2001ean adjudikatu ziren Esako urtegia handitzeko lanak, 2005erako bukatzeko aginduarekin. 113 milioi euroko aurrekontua zuen orduan eta egun laukoiztu egin da aurrekontua, aipatu elkarteek salatu dutenez. Orain 2027rako bukatu behar dute urtegiaren handitzea. Urtegiko eskumako hegala da zalantza handienak pizten dituena, baina lanek aurrera jarraitzen dute, jakin gabe oraindik egiten ari dena guztiz segurua den urtegitik behera bizi diren herritarrentzat.


Esa urtegia kanaletik interesatuko zaizu...
Zaraitzuko urak Esara eramateko proiektua bertan behera utzi dute

Nafarroako Pirinioetako Aizpurgi herrian presa bat eraiki eta lur azpiko kanal baten bidez ura Esa urtegira eramateko proiektua kendu egin du Ebroko Konfederazio Hidrografikoak bere plan hidrologikotik.


Analisia
Nafarroako urtegiak minimoen azpitik: zer utzi du agerian lehorteak?

Euskal Herriko hainbat tokitan izan dugun uda idorra ari da nabaritzen jadanik. Ebroko Konfederazio Hidrografikoak (CHE) jasotako datuen arabera, Nafarroan biltegiratutako ura azken hamarkadako batez bestekoaren oso azpitik dago, eta Esako urtegiaren kasuan gehienezko mailaren... [+]


Zein dira Esako potasa meatze erraldoiaren arriskuak?

Espainiako Gobernuak onartu duen Muga proiektuak 1.700 hektareako meatzea aurreikusten du Nafarroako Xabier eta Zaragozako Undués de Lerda udalerrien artean, Esako urtegitik oso gertu. Adituen ustez, besteak beste, inguruko erreka eta akuiferoak kutsatuko lituzke, lurra... [+]


2020-10-23 | ARGIA
"Remirez lehendakariordeak nafarren segurtasuna arriskuan jartzen du"

Esako urtegiaren inguruan eta azken asteetan Nafarroan izaten ari diren mugimendu sismikoez erakutsitako jarrera dela eta, Sustrai Erakuntzak gogor kritikatu du Javier Remirez Nafarroako Gobernuko presidenteordea eta Babes Zibileko arduraduna. Ondorengo lerroetan irakur daiteke... [+]


Esako urtegiaren lanak ez dira geldituko oraingoz

Azken bi egunetan nahasmen handia egon da Esako urtegia handitzeko lanen inguruan. Asteartean Teresa Ribera Espainiako Gobernuko Trantsizio Ekologikorako ministroak esan zuen ez zela urrats bat gehiago aurrera egingo segurtasuna erabat ziurtatu arte. Aturando Esa (Esa Gelditzen)... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude