Satelite bidez ere Esako urtegia desegonkorra dela ohartarazi dute
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren hegaletan.
Ez soilik lurrazalean, baita "100 metro baino gehiagoko sakoneran" ere. Mugimendua barruko aldean ere antzematen dela jakinarazi du azken txosten honek. Eta ondoriozta daiteke, urtegia arriskutsua dela gaur, eta arriskutsua izanen dela beti. Aurretik ere beste geologoek ohartarazi bezala, Antonio Casas eta Antonio Aretxabalak ere Copernicusek dioena berretsi zuten: mugimendua badela eta segurtasunik ezin dela ziurtatu.
Belen Ausejo 'Esa gehiagorik ez' plataformako kideak esan du, Casas eta Aretxabalak ere esan zutena berresten duela azken honek. Aurretik ikerketa independenteek ere hala adierazi zutela gogoan izan du. "Argi dago interesak badaudela, obra egiteko eta ekonomikoki enpresa zehatzei dirua bideratzeko egon daiteke nahia. Izan ere, ez dago ikerketa seriorik aztertuko duenik benetako onurarik ekarriko ote lukeen urtegia handitzeak", esan du. "Ureztatzea bada kontua, ez dago erregadio lur gehiagorik. Hondamendi gehiago baino ez du ekarriko", gaineratu du. Berretsi egiten du azken txosten honek ere Esako urtegian gertatzen denak.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.
Nafarroako Gobernuko lehendakariorde Javier Remirezek azalpenak eman zituen Nafarroako Legebiltzarrean, duela hamabost hilabete amaitu baina orain arte plazaratu gabe egon den presaren segurtasunaren inguruko ikerketa baten harira. Ikerketa Espainiako Gobernuaren enkarguz egin... [+]
Azkenean agertu da “galduta” ibili den Esako urtegiko segurtasunari buruzko Espainiako Gobernuaren txostena eta urtegiko lanekin aurrera jarraitzea ahalbidetzen du