AEBek eta Erresuma Batuak Yemen bonbardatu dute eta Gazako gerra Itsaso Gorrira zabaldu

  • Huthiek berehala erantzun diote Mendebaldeko indarren oldarraldiari: misilak jaurti dituzte bi estatu horien zenbait gerra ontziren aurka.


2024ko urtarrilaren 12an - 11:44

Gazako Zerrendaren mugak gainditu ditu Ekialde Hurbileko gatazkak. Erresuma Batuak eta Ameriketako Estatu Batuek Yemen airez bonbardatu dute ostegunean, 73 aldiz. Huthien milizien aurkako oldarraldia izan dela adierazi dute bi gobernuek. Yemendarrek adierazi dutenez, bost kide hil eta sei zauritu dituzten bonbardaketetan. Hala ere, yemendarrek berehala erantzun dute: britainiarren eta amerikarren zenbait gerra ontziren aurkako misilak jaurti dituzte.

Al Jazeera hedabideari Abdel-Malik al-Houthi miliziako buruak adierazi dio AEBen “edozein erasori erantzungo” diotela, eta erantzuna orain arteko “bortitzena” izango dela. Erantzun hori ostiral goizean abiatu da: miliziak hamaika misil jaurti ditu AEBek zein Erresuma Batuak Itsaso Gorrian dituen gerra itsasontzien aurka. Yahya Sarea huthien bozeramaile militarrak ondorengoa azpimarratu du: "Lurrez eta itsasoz etsai guztiei aurre egingo diegu, Yemengo subiranotasunaren eta independentziaren defentsan.

AEBetako presidente Joe Bidenek ohar baten bidez baieztatu du erasoa eta zehaztu duenez, Australiaren, Bahrainen, Kanadaren eta Herbehereen laguntzarekin burutu ditu erasoak: “Nazioartearen erantzuna bateratua eta irmoa izan da”. Antza, huthien menpe dauden sei probintzia bonbardatu dituzte.

Ostiral goizean huthiek Al Jazeeran adierazi dute erasoaldiarekin jarraituko dutela, “Israelek Gazaren aurkako sarraskia eten arte”.


Kanal honetatik interesatuko zaizu: Palestina
2024-05-21 | Gedar
Hamabi lagun ikertzen ari dira, Castejonen CAF-Trenasaren kontra egindako protesta bat dela-eta

Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.


Netanyahu eta Hamasen buruzagitza atxilotzeko eskatu du Hagako Auzitegiko fiskalak

Nazioarteko Zigor Auzitegiko fiskalak eskatu du astelehen eguerdian Israelgo Lehen Ministro Benjamin Netanyahu eta bere Defentsa Ministro Yoav Gallant atxilotzeko, guda krimenak egotzita. Ondoko hiru palestinar hauen aurka ere gauza bera eskatu du: Hamaseko buruzagi Yahya Sinwar... [+]


Zisjordaniaren okupazioa azkartu du Israelek, arreta Gazan jarrita dagoela baliatuta

Azken egunetan Zisjordania okupatuko hiri guztietan indarrez sartu da armada israeldarra. Kolono sionistek lurren okupazioak eta erasoak biderkatu dituzte urriaren 7az geroztik. 500 palestinar baino gehiago hil dituzte soldadu eta kolonoek Zisjordanian ordutik.


Netanyahuk ez dauka “gerra osteko” planik Gazarako

Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu... [+]


Eguneraketa berriak daude