"Negozio eredu hau espresuki bideratuta dago emakumeak esplotatzera"
Ia 22 hilabeteko negoziaketek fruiturik eman ez dutela-eta, “mobilizazio eta greben ordua iritsi da”, iragarri dute Gipuzkoako adinekoen egoitzetako langileek. “Badakigu borroka luzea eta gogorra izango dela. Baina lan-baldintzak berehala normalizatu, soldata arrakalarekin bukatzeko pausoak eman eta gure sektorean nagusi den prekarietatea behingoz ezabatzeko bidean aurrerapausoak eman nahi ditugu”.
Langileek adierazi dute ez dela aurrerapausorik egon negoziaketetan, eta patronalen eta Gipuzkoako Foru Aldundiaren proposamena salatu dute: “Enpresa-hitzarmena dutenen soldatak izoztea, eskubide sozialak ezabatzea, enpresa-hitzarmenak indargabetzea, eta hainbat egoitzatako hobekuntzak kentzea, egungo zaintza sistema ez dela jasangarria argudiatuz”. Negozio eredu hau “espresuki bideratuta dago emakumeak esplotatu eta prekarizatzera”, azpimarratu dute, gizonezkoak nagusi diren pribatizatutako beste eremu batzuetan soldata arrakala %30ekoa dela gaineratuz, 6.000 euroko aldea.
Lan-uzteak eta 17 greba egun
Hitzarmen berria lortzea helburu, LABek lan-uzteak iragarri ditu eta ELAk berriz, lantoki guztietan batzarrak, negoziaketan lehenetsi dituzten edukiak azaltzeko eta grebara deitzeko. Guztira 17 greba egun aurreikusi ditu ELAk: irailak 27, urriak 24-25-26, azaroak 26-27-28-28-30, eta abenduaren 24tik 31ra.
“Grebak luze joko du, eta hiletik hilera gogortuz joango da”, adierazi dute langileek.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.