ARGIA.eus

2021eko irailaren 28a

Ernaik "osasun neurri eranginkorrak" exijitu dizkie Nafarroako Gobernuari eta Eusko Jaurlaritzari

  • Nafarroako Gobernuaren eta Eusko Jaurlaritzaren egoitzen aurrean prentsaurrekoa egin dute Ernai gazte antolakundeko kideek asteazken goizean. Pandemiak eragindako egoerak okerrerera egin ez dezan, "osasun neurri eraginkorrak" ezarri ditzaten eskatu dute. Sei neurri zehatz proposatu dituzte. 

Jone Markuleta @JMarkuleta
2020ko azaroaren 04a
Ernaiko kideak Nafarroako Gobernuaren egoitzaren atarian. Argazkia: Ernai

Ernaik pandemiak sortutako egoerari aurre egiteko sei neurri zehatz proposatu ditu eta hauek urgentziaz indarrean jartzea eskatu: garraio publikoa indartzea, maiztasuna eta irisgarritasuna handituz; hezkuntza ratioak jaistea, aldi berean ikasleentzako beharrezko baliabideak bermatuz hezkuntza presentzialean zein telematikoan; alokairuen ordainketak etetea, prezioen igoerak eragotziz eta etxegabetzeak geldituz; lanpostuak defendatzea, kaleratzeak eragotziz eta gazteen prekarizazioaren aurkako neurriak hartuz; oinarrizko errenta duina bermatzea diru sarrerarik gabe dauden edo hauek galdu dituzten gazteentzako; eta kriminalizazioa gelditzea, herritarren informazio eskubidea eta gardentasuna bermatuz.

Nafarroako Gobernuaren Iruñeko egoitzan eta Gasteizko Eusko Jaurlaritzako egoitzaren atarian batu dira COVID-19ak eragin duen egoeraren aurrean "osasun neurri eraginkorrak" eskatzeko. "Gure hautua, bizitzak" lelopean aldarrikatu dute pandemia gelditzeko neurriak behar dituztela behingoz, egoerak okerrera egin ez dezan. "Politika eraginkorra egiteko ordua da" gaineratu dute gazte erakundeko kideek. 

Politikarien "ardugabekeria" salatu dute, orain arte hartu diren "neurri arbitrarioak" ez direla nahikoak izan adieraziz. "Herritarrok prest gaude esfortzu hori egiteko, baina non daude baliabideak?" galdetu dute. Baliabide eza eta herritarren ongizatea ez dutela kontuan hartu leporatu diete Hego Euskal Herriko gobernuei.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  Ernai

Koronabirusa kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude