Erlauntzako airea arnastearen onurak
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla osasunerako eta bereziki arnasketa sistemarako.
Azkonita erlezaintza proiektuko kide da Balerdi eta bere erlauntzak darabiltzate jarduera berrian. Atxaga, berriz, erlezaina izan ez arren, aspalditik dabil erlezaintzako produktuen munduan sartuta. Berak izan zuen Katalunian eta beste zenbait tokitan martxan zegoen jarduera berezi horren berri, eta Euskal Herrira ekartzea bururatu zitzaion.
Kataluniako esperientziatik ikasten
Sabadellen antzeko beste proiektu bat martxan zegoela jakin zuen Atxagak, eta hor hasi zen dena. “Hango kideari deitu nion zuzenean, eta bere instalakuntzara bisitan joan nintzen jarduera nola zen ezagutzeko”, azaldu du. Eredu hura Gipuzkoara ekartzeko lanean hasi zen segidan, eta orduan jarri zen aspalditik ezagutzen zuen Balerdirekin harremanetan. “Apiterapia egiteko baimenak eskatu behar izan ditugu, eta niretzat ere berria da hau guztia, orain arte eztia, erregina-jelea eta horrelakoak ekoiztera mugatzen bainintzen”, dio Balerdik.
Katalunian ez ezik, Europako ekialdeko herrietan jarduera nahiko ohikoak omen dira erlauntzako airea arnastea eta erleen sauna. Dena dela, Kataluniako esperientzia izan dute oinarri Balerdik eta Atxagak: “Hark bere esperientzia kontatu digu, eta horren arabera, asmarekin edo bestelako arazoekin joan den jendeari on egin dio, beraz, probatzea da kontua”. Jardueraren berri emateko zabaldu duten mezuan nabarmendu dutenez, onurak dakartza alor hauetan: sasoiko alergiak, sistema immunitarioa, biriketako gaitasuna, estresa, insomnioa, antsietatea eta parkinsona. “Kataluniako Unibertsitateko ikerketa baten arabera, kanpoan arnas dezakegun kalitate oneneko airea baino hamar aldiz hobea da pertsonentzat erlauntzakoa”, dio Atxagak.
Etxolatxoak ikaztegietan
Bi zerbitzu eskaintzen dituzte Ikaztegietako lursailean jarri dituzten etxoletan. Lehen etxolan bost erlauntza daude, eta horietako bakoitzak erauzgailu bat du maskarila txiki batekin, bezeroak erlauntzako airea arnas dezan. Ordu erdiko jarduera da hori. Bigarrenak, berriz, "Erleen sauna" bezala izendatu dutenak, horrela funtzionatzen du: sei erlauntza jarri dituzte etxola batean goitik irekita; gelan bi litera daude, eta horietako bakoitzaren azpian daude erlauntzak, sare batekin itxita. Erlauntza 35 gradutan egon ohi da, beroa sortzen du. Ordubeteko saioa da hori. “Atmosfera berezia sortzen da, soinua eta erleen bibrazioa… hori guztia sentitzen du etzanda dagoenak”, azaldu du Balerdik.
Erlezainak nabarmendu du, dena den, ez dela egun batetik bestera arazoa konponduko duen jarduera miragarri bat, jarraipena behar duela. Baina, dioenez, onena jendeak zuzenean probatzea eta on egiten dion edo ez erabakitzea da. “Probatu egin beharra dago, eta on egiten badio, bada, aurrera”.
Informazio gehiago jasotzeko edo proiektuko kideekin harremanetan jartzeko, bi telefono eman dituzte:
618 25 49 71 eta 639 18 78 09.
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Pandemia garaian erabaki zuten Bea Lopez de Suso Marinak eta Iker Gonzalez Dominguezek landa eremura bizitzera joatea. “Nolabait, orduan berpiztu zen aspalditik landa eremuan proiektu bat sortzeko genuen grina”, azaldu du Lopez de Susok. Kuartangora iritsi zen... [+]
Pandemia garaian erabaki zuten Bea Lopez de Suso Marinak eta Iker Gonzalez Dominguezek landa eremura bizitzera joatea. “Nolabait, orduan berpiztu zen aspalditik landa eremuan proiektu bat sortzeko genuen grina”, azaldu du Lopez de Susok. Kuartangora iritsi zen... [+]
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
David de Blasek abiatutako proiektua da Azpigorri Ahuntz Txorizoak, eta izenak argi uzten duenez, azpigorri arrazako ahuntzekin ari da lanean. “Urteetan industrian aritu nintzen lanean, baina pandemia garaian artzain eskolara joan nintzen, eta ikasketak amaitutakoan... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]