"Erabaki zentzugabe hauek pairatzen jarraitu behar al dute haurrek?"
EAEko Lehen Hezkuntzako haurrak jolastokian eta heziketa fisikoak iraun bitartean ere musukoa mantendu behar izatea salatu du Oinherri herri hezitzaileen sareak: “Ez diogu argudio honi inongo zentzutik topatzen, haurrak herriko kale eta plazetan musukorik gabe jolasean ikusten ditugulako, helduok gabiltzan gisara”.
Jaiak berriz berreskuratzen ari garen honetan, diskotekan dantzatu eta tabernetako barran poteatu daitekeenean, berriz ere haurrak zigortzen dituen erabakia hartzea leporatu dio herri hezitzaileen sareak Eusko Jaurlaritzari. “Haurrak txertatu gabe daudela eta birusaren hedapen foku berririk gerta ez dadin hartu dute antza neurri hau”, dio Oinherrik, baina ikastetxetik kanpo aire zabalean denok musukorik gabe ibili gaitezkeen heinean, ez du zentzuzko arrazoirik ikusten ikasleei kanpo espazioan musukoaren erabilera derrigortzeko. Gainera, umeak txertatzen azkenak izaten ari badira larritasun gutxien dutenak direla irizten delako gogoratu du sareak.
“Zintzoki espero dugu familien, ikastetxeen eta herritarron eraginez Hezkuntza Sailak erabaki honetan atzera egitea eta haur eta nerabeen eskubideetan eta osasun oso batean oinarritutako erabakiak hartzea”, azpimarratu du.
Guraso ugarik eskaera bera luzatu diote Jokin Bildarratz Eusko Jaurlaritzako Hezkuntza sailburuari, musukoa patioan neurriz kanpokoa eta diskriminatzailea dela iritzita.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.